Rupali Chakankar : भोंदूबाबा अशोक खरात वर लैंगिक अत्याचार आणि बलात्काराचे गंभीर आरोप असलेल्या प्रकरणात राष्ट्रवादी काँग्रेस पक्षाच्या (अजित पवार गट) महिला प्रदेशाध्यक्षा रूपाली चाकणकर (Rupali Chakankar) यांचा संबंध उघड झाल्यानंतर आता पक्षांतर्गत मोठा वाद निर्माण झाला आहे. यापूर्वी या प्रकरणामुळे रूपाली चाकणकर (Rupali Chakankar) यांना राज्य महिला आयोगाच्या अध्यक्षपदाचा राजीनामा द्यावा लागला होता. आता नाशिक जिल्ह्यातील राष्ट्रवादी काँग्रेसच्या सर्व महिला पदाधिकाऱ्यांनी एकत्र येत रूपाली चाकणकर यांच्या महिला प्रदेशाध्यक्षपदाच्यातात्काळ राजीनाम्याची मागणी केली आहे. नाशिक जिल्हा महिला जिल्हाध्यक्षा प्रेरणा बलकवडे (भगूर नगरपालिकेच्या नगराध्यक्षा) यांच्या नेतृत्वाखाली जिल्ह्यातील सर्व महिला तालुका अध्यक्ष, उपाध्यक्षा, सरचिटणीस आणि इतर पदाधिकाऱ्यांनी उपमुख्यमंत्री तथा राष्ट्रवादी काँग्रेसच्या राष्ट्रीय अध्यक्षा सुनेत्रा पवार यांच्याकडे एक पत्र पाठवले आहे. या पत्रात रूपाली चाकणकर यांना पक्षाच्या महिला प्रदेशाध्यक्षपदावरून आणि इतर सर्व पदांवरून तात्काळ बडतर्फ करण्याची मागणी करण्यात आली आहे. Rupali Chakankar पत्रात काय म्हटले आहे? पत्रात नाशिक जिल्ह्यातील महिला कार्यकर्त्यांनी स्पष्टपणे लिहिले आहे कि “राष्ट्रवादी काँग्रेस पक्ष हा महिलांचा सन्मान आणि न्यायासाठी कटिबद्ध असलेला पक्ष आहे. याच मूल्यांवर विश्वास ठेवून आम्ही निष्ठेने पक्षाचे काम करत आहोत. परंतु, आज पक्षाच्या अस्तित्वावर आणि तत्त्वांवरच प्रश्नचिन्ह निर्माण झाले आहे. अशोक खरात यांच्याकडून अनेक महिला आणि तरुण मुलींचा छळ झाल्याच्या भयानक प्रकरणात पक्षाच्या महिला प्रदेशाध्यक्ष रूपाली चाकणकर यांचा थेट संपर्क असल्याचे उघड झाले आहे. ही अत्यंत लज्जास्पद बाब आहे. अनेक वर्षांपासून महिलांचा छळ करणाऱ्या व्यक्तीचे त्या समर्थन करत आहेत. यामुळे पक्षाच्या प्रतिमेचे कधीही न भरून येणारे नुकसान झाले आहे. ही त्यांची पहिलीच वेळ नाही. यापूर्वी हगवणे प्रकरण व इतर प्रकरणांतही त्यांच्या निष्काळजीपणामुळे पक्षाचे नाव खराब झाले आहे. दिवंगत उपमुख्यमंत्री अजित पवार यांनीही त्यांच्यावर कारवाई करण्याची आणि निवडणुकीनंतर महिला प्रदेशाध्यक्ष बदलण्याची चर्चा केली होती. तरीही पक्षाने कोणतीही ठोस कारवाई केली नाही. त्याच दुर्लक्षामुळे आज पक्षावर ही गंभीर वेळ ओढवली आहे. आज पक्षाची प्रतिमा समाजात डागाळली आहे. महिला प्रदेशाध्यक्षांचे नाव या प्रकरणात जोडल्याने महिलांचा छळ करणाऱ्यांचे समर्थन करणाऱ्या नेतृत्वाखाली आम्ही तळागाळातील महिला कार्यकर्त्या काम करू शकत नाही. ग्रामीण भागात आम्ही त्यांच्यासोबत काम केले तर लोकांमध्ये आमच्याविषयी चुकीची छवी निर्माण होईल. पक्षाच्या तत्त्वांविषयी बोलणे आम्हाला अशक्य होणार आहे. त्यामुळे, आम्ही सर्व एकमताने व गंभीरपणे कळवत आहोत की, जर रूपाली चाकणकर यांना तात्काळ पदावरून हटवले नाही, तर आम्ही आमची कर्तव्ये पार पाडू शकणार नाही. महाराष्ट्रातील जनतेमध्ये पक्षाची प्रतिमा वाचवण्यासाठी आणि पक्षाच्या मूल्यांचे रक्षण करण्यासाठी त्यांना तात्काळ बडतर्फ करण्यात यावे. ही आमची शेवटची आशा आहे.” पत्रावर सह्या करणाऱ्या प्रमुख महिला पदाधिकाऱ्यांची नावे सायरा अब्दुल शेख (देवळाली) – उपाध्यक्षा कल्पना नंदू शिरसाठ (चांदवड) – उपाध्यक्षा वैशाली भगवान जाधव (मालेगाव) – सरचिटणीस ज्योती मावकार वाकचौरे (नाशिक) – सरचिटणीस जयधी अनिल केदार (सिन्नर) – सरचिटणीस वर्षा तुपार लिंगायत (नाशिक) – चिटणीस मंगल उमेश नागरे (चांदवड) – चिटणीस चंद्रकला बळवंत बुरडे (दिंडोरी) – चिटणीस मंजुषा राजेंद्र महेश (भगूर) – सचिव संघटक प्रतीक्षा प्रसाद खात्री (सिन्नर) – सचिव संघटक पद्मा कैलास पवार (त्र्यंबकेश्वर) – जिल्हा सदस्य आरती विठ्ठल भोंडवे (इगतपुरी) – जिल्हा सचिव शितल साहेबराव भोर – नाशिक तालुकाध्यक्ष प्रेमलता राजू राजगुरू – भगूर शहराध्यक्ष सपना अनिल पगार – कळवण तालुकाध्यक्ष अनिता शिवा काळे – इगतपुरी तालुकाध्यक्ष सुरेखा अशोक नागरे, राजश्री प्रविण पहिलवान (येवला तालुकाध्यक्ष) आशा सुनील थोरात (येवला शहराध्यक्ष) आशा हरिभाऊ देवरे (इगतपुरी शहराध्यक्ष) भारती प्रभाकर बिरारी (चांदवड तालुकाध्यक्ष) प्रतिभा प्रदिप खैरणार (त्र्यंबकेश्वर तालुकाध्यक्ष) तृप्ती उदय सोनवणे, अपर्णा राजेंद्र देशमुख (मालेगाव तालुकाध्यक्ष) बनिता संतोष शिंदे (नांदगाव तालुकाध्यक्ष) संगीता बामन राउत (देवळा तालुकाध्यक्ष) दिंडोरी तालुकाध्यक्ष – पूनम रामदाम गावळी या पत्रामुळे राष्ट्रवादी काँग्रेस पक्षात मोठी खळबळ उडाली असून, पक्ष नेतृत्वाकडून यावर लवकरात लवकर निर्णय अपेक्षित आहे. भोंदूबाबा अशोक खरात (Rupali Chakankar) प्रकरणाने पक्षाच्या महिला शाखेला मोठा धक्का बसला असल्याचे स्पष्ट दिसत आहे.
