कोलकता – भाजपच्या माजी खासदार रूपा गांगुली यांना पश्चिम बंगालमधील कोलकाता येथून पोलिसांनी अटक केली आहे. बांसद्रोणी पोलीस ठाण्यासमोर त्या निदर्शने करत होत्या. त्यांनी काल रात्रभर पोलीस ठाण्यासमोर ठिय्या आंदोलन केले. हे निदर्शन पूर्णपणे शांततेत पार पडले.

रूपा गांगुली रात्रभर पोलिस स्टेशनच्या बाहेर बसून राहिल्या. दरम्यान, बंगाल पोलिसांनी त्यांना ताब्यात घेतले. आता पोलिसांनी त्यांना अटक करून लाल बाजार येथे नेले आहे.

त्यांना 3 ऑक्टोबरला सकाळी अटक करण्यात आली. भाजप कार्यकर्त्यांच्या म्हणण्यानुसार पोलिसांनी रूपा यांना रात्री दहाच्या सुमारास ताब्यात घेतले.

काय प्रकरण आहे?
वास्तविक बांसद्रोणी येथील रस्ता अपघातामुळे भाजप नेते संतापले होते. या प्रकरणाबाबत त्यांनी पोलिसांच्या कारवाईविरोधात आघाडी उघडली होती. रूपा गांगुली म्हणाल्या की, जोपर्यंत पोलिस आरोपींना ताब्यात घेत नाहीत,

तोपर्यंत पोलिस ठाण्यासमोर आंदोलन करत राहणार आहे. पोलिसांनीही त्यांची समजूत काढण्याचा खूप प्रयत्न केला, पण त्या ऐकायला तयार नव्हत्या.