नागपूर –  राष्ट्रीय स्वयंसेवक संघाच्या नागपुरातील विजयादशमी सोहळ्यात सरसंघचालक मोहन भागवत यांनी मातृशक्तीचा गौरव केला. यावेळी संघ मुख्यालयात शस्त्रपूजनात भाग घेतला. आज हिमालयाच्या शिखरावर पोहोचलेले पद्मश्री संतोष यादव या कार्यक्रमात प्रमुख पाहुणे म्हणून उपस्थित आहेत. नागपुरातील विजयादशमी सोहळ्याला राज्याचे उपमुख्यमंत्री देवेंद्र फडणवीस, केंद्रीय मंत्री नितीन गडकरी, भाजपा प्रदेशाध्यक्ष चंद्रशेखर बावनकुळे आणि कृपाल तुमाने उपस्थित आहेत.

 

 

मोहन भागवत म्हणाले की, ‘जगात भारताची प्रतिष्ठा वाढली आहे. आम्ही लंकेला आर्थिक संकटात मदत केली. युक्रेनमध्ये अमेरिका आणि रशिया यांच्यातील लढाईत आम्ही आमचे हितसंबंध अग्रस्थानी ठेवले.’

स्त्रीशक्ती देशासाठी अत्यंत महत्त्वाचा घटक आहे. ही शक्ती घरात बंदिस्त करुन ठेवणे योग्य नव्हे. या शक्तीला अधिक सशक्त बनविण्याची आवश्यकता आहे. जेणेकरुन देशहितासाठी त्याचा व्यापक फायदा करुन घेता येईल. स्त्रीशक्तीला वगळून कोणतीही संघटना उभारता येणार नाही, असे म्हणत मोहन भागवत यांनी महिलां शक्तीविषयी भाष्य केले.

‘राष्ट्रीय सुरक्षेच्या बाबतीत आपण सातत्याने यशस्वी होत आहोत, आणि आत्मसमर्थक बनत आहोत. या अभिनवतेचा आवाज ऐकून आम्हालाही आनंद होतो.’

‘स्वतंत्र भारतातही स्वार्थ आणि द्वेषाच्या आधारे समाजातील विविध घटकांमध्ये अंतर आणि वैर निर्माण करण्याचे काम सुरू असल्याचे  मोहन भागवत म्हणाले. यात न पडता, त्यांची भाषा, पंथ, प्रांत, नीती काहीही असो, त्यांच्यावर  बंधुत्वाच्या भावनेने वागले पाहिजे’

प्रगतीसाठी जीवनात लवचिकता आवश्यक असल्याचे मत संघप्रमुख मोहन भागवत यांनी मत व्यक्त केले. ते म्हणाले की,’राष्ट्रीय उभारणीसाठी अडथळे दूर करणे आवश्यक आहे. यातील एक अडथळा आहे पुराणमतवाद. आधुनिक काळाच्या आणि राष्ट्राच्या गरजांशी जुळणारी नवी परंपरा आपल्याला निर्माण करायची आहे. त्याचबरोबर सनातन मूल्यांचेही भान ठेवायला हवे.’

मोहन भागवत यांनी नोकऱ्या आणि लोकसंख्येबाबत मोठमोठ्या गोष्टी सांगितल्या. ते म्हणाले की,’रोजगार म्हणजे नोकरी आणि लोक नोकरीच्या मागे धावतील आणि तेही सरकारी. असे सगळे लोक धावत असतील तर नोकरी किती देणार..? कोणत्याही समाजात सरकारी आणि खाजगी अशा जास्तीत जास्त 10, 20, 30 टक्के नोकऱ्या असतात. बाकी सगळ्यांना आपलं काम करावं लागतं. त्यानंतर आपणच प्रयत्न करावे लागतील. स्टार्टअप हा या दिशेने एक उत्तम उपक्रम आहे.’