Farmer Relief Update: दुष्काळग्रस्त शेतकऱ्यांच्या खात्यात सरसकट 5 हजार रुपये जमा होणार; सर्व जाचक अटी रद्द
Farmer Relief Update: ज्या शेतकऱ्यांच्या पिकांचे ३३ टक्क्यांपेक्षा जास्त नुकसान झाले आहे, त्या सर्वांना सरसकट ५,००० रुपयांची मदत मिळणार
Farmer Relief Update: राज्यातील दुष्काळ परिस्थितीमुळे शेतकरी संकटात सापडला आहे. या पार्श्वभूमीवर दुष्काळ जाहीर झालेल्या ३०४ तालुक्यातील शेतकऱ्यांना दिलासा देण्यासाठी राज्य शासनाने मोठा निर्णय घेतला. दिवाळीपूर्वी राज्यातील पात्र शेतकऱ्यांना ५,००० रुपयांची तात्काळ अग्रिम मदत थेट बँक खात्यात डीबीटीद्वारे जमा करण्यात येणार आहे. यासाठी शासनाकडून ७,५०० कोटी रुपयांचा निधी मंजूर करण्यात आला आहे.
यातच आता या मदतीसाठी जाचक अटी व शर्ती रद्द करण्याचा निर्णय मदत व पुनर्वसन विभागाने घेतला आहे. आपत्ती व्यवस्थापन, मदत व पुनर्वसन विभातर्फे याबाबतचा सुधारित शासन निर्णय २८ ऑक्टोबर रोजी जारी करण्यात आला आहे. अगोदरच्या शासन निर्णयात नमूद केलेल्या अटी रद्द करण्यात आल्या आहेत.
त्यामुळे या तालुक्यांमधील सर्व पात्र शेतकऱ्यांना दिवाळीपूर्वी ५ हजार रुपयांची मदत मिळण्याचा मार्ग सुकर होणार आहे. या निर्णयामुळे राज्यातील सुमारे १.५ कोटी दुष्काळग्रस्त शेतकऱ्यांना आर्थिक दिलासा मिळणार आहे.
शासन निर्णयानुसार, राज्यातील ३०४ दुष्काळग्रस्त तालुक्यांमध्ये ज्या शेतकऱ्यांच्या पिकांचे ३३ टक्क्यांपेक्षा जास्त नुकसान झाले आहे, त्या सर्वांना सरसकट ५,००० रुपयांची मदत मिळणार आहे. ही मदत थेट डीबीटीद्वारे लाभार्थ्यांच्या बँक खात्यात जमा केली जाईल.
१ नोव्हेंबर २०२५ पासून आजतागायत ज्या शेतकऱ्यांनी विविध शासकीय योजनांतर्गत ई-केवायसी केली आहे, त्यांना पुन्हा ई-केवायसी करण्याची आवश्यकता असणार नाही. ज्या वन पट्टाधारक शेतकऱ्यांना अद्याप ॲग्रीस्टॅक शेतकरी ओळख क्रमांक मिळालेला नाही, त्यांना ई-केवायसीच्या आधारे ही मदत दिली जाईल.
कर्ज खात्यात रक्कम वळती करण्यास प्रतिबंध
शेतकऱ्यांना नैसर्गिक आपत्तीमध्ये मिळणारी ही मदत बँकांनी जुन्या कर्जापोटी किंवा इतर कारणांसाठी वळती करू नये, असे स्पष्ट निर्देश देण्यात आले आहेत. याबाबत सर्व जिल्हाधिकाऱ्यांनी संबंधित बँकांना आवश्यक त्या सूचना द्यायाच्या असून, याची कठोर अंमलबजावणी करण्याची जबाबदारी जिल्हाधिकाऱ्यांवर असणार आहे. Farmer Relief Update
कोण असणार पात्र?
यापूर्वी राज्य सरकारी किंवा केंद्र सरकारी कर्मचारी आणि 25 हजार रुपयांहून जास्त वेतन घेणारे कामगार यांना पाच हजार रुपयांचा अग्रीम मिळणार नव्हता, ती अट या शासन निर्णयामध्ये रद्द करण्यात आली आहे. शासनाने निर्णयात बदल करत सर्वांना अग्रिम मदतीसाठी पात्र केले आहे. Farmer Relief Update
हेही वाचा:
