Rohit Pawar :  दिवंगत उपमुख्यमंत्री अजित पवार यांच्या विमान अपघाताला उद्या २८ एप्रिल २०२६ रोजी तीन महिने पूर्ण होतील. यात अपघातात अजित पवार यांच्यासह पाच जणांचा मृत्यू झाला.

यानंतर शरद पवार गटाचे आमदार आणि अजित पवारांचे पुतणे रोहित पवार (Rohit Pawar) सातत्याने अजित पवारांच्या अपघाताबाबत विविध प्रश्न उपस्थित करत आहेत. तसेच ते विविध पुरावे समोर आणत खुलासे करत आहेत. परंतु अजित पवारांचा विमान अपघात झाला की घातपात? याची माहिती अद्यापही स्पष्ट झालेली नाही.  Rohit Pawar

आता रोहित पवार (Rohit Pawar) यांनी पुन्हा एकदा अजित पवारांच्या अपघातावरून सरकारवर निशाणा साधला आहे. त्यांनी एक्स अकाऊंटवर पोस्ट लिहित सीआयडी तपासाबाबत माहिती विचारली आहे. Rohit Pawar

अजितदादांच्या अपघाताला परवा तीन महीने होत आहेत मात्र अद्यापही तपास पुढे सरकलेला नाही, CID नेमकं काय करतंय हे देखील कळायला मार्ग नाही, त्यामुळे 28 तारखेला सकाळी 10 वाजता पुण्यातील CID ऑफिसला भेट देऊन तपासाची सद्यस्थिती जाणून घेणार आहे तसंच माझ्याकडं आलेली नवीन माहिती आणि कागदपत्रं… pic.twitter.com/onOYqm3q1b

— Rohit Pawar (@RRPSpeaks) April 26, 2026

पोस्टमध्ये रोहित पवार म्हणाले, “अजितदादांच्या अपघाताला तीन महिने होत आहेत मात्र अद्यापही तपास पुढे सरकलेला नाही, CID नेमकं काय करतंय हे देखील कळायला मार्ग नाही, त्यामुळे 28 तारखेला सकाळी 10 वाजता पुण्यातील CID ऑफिसला भेट देऊन तपासाची सद्यस्थिती जाणून घेणार आहे तसंच माझ्याकडं आलेली नवीन माहिती आणि कागदपत्रं सीआयडीकडे सादर करणार आहे.” Rohit Pawar

‘मुख्यमंत्री महोदयांनी सभागृहात दिलेल्या आश्वासनाला एक महिना लोटला’  (Rohit Pawar)

“अजितदादांच्या अपघाताचा तपास सीबीआयकडे देण्याच्या मागणीला 2 महिन्याहून अधिकचा कालावधी झाला तर केंद्रीय गृहमंत्र्याना भेटून सीबीआय तपासाचा प्रश्न मार्गी लावण्याबाबत मुख्यमंत्री महोदयांनी सभागृहात दिलेल्या आश्वासनाला एक महिना लोटला असून काहीही कार्यवाही न झाल्याने सर्वसामान्य जनतेत याविषयी प्रचंड नाराजी आहे.

मुख्यमंत्री साहेब मोठे नेते असल्याने कदाचित इतर राज्यांच्या निवडणूक प्रचारात ते व्यस्त असतील आता निवडणूका देखील झाल्या आहेत, त्यामुळे येत्या दहा दिवसांत सीबीआय तपास तसंच इतर प्रश्नांच्या संदर्भात कार्यवाही होईल, ही अपेक्षा आहे,” असेही रोहित पवार म्हणाले. Rohit Pawar

हेही वाचा: 

Pimperkhed : पिंपरखेड येथे अखेर बिबट्या जेरबंद; गावकऱ्यांकडून सुटकेचा निश्वास