Rohit Pawar Meet Nitin Gadkari : नितीन गडकरी साहेबांचे आणि दिवंगत अजित पवार यांचे (Rohit Pawar Meet Nitin Gadkari) अतिशय जिव्हाळ्याचे संबंध होते. दिल्लीत आज नितीन गडकरी यांची भेट घेऊन पुणे रिंग रोड, तळेगाव-चाकण-शिक्रापूर उन्नत महामार्ग यासह पुणे-शिरूर उन्नत महामार्गास अजित पवार यांचे नाव देण्याची विनंती केली असल्याचे राष्ट्रवादीचे(शप) आमदार रोहित पवार यांनी सांगितले. एखाद्या विकास प्रकल्पाला किंवा वास्तूला नाव दिल्यानंतर दुसरे नाव देणे हे योग्य ठरणार नाही. त्यामुळे संबंधित प्रकल्पाची उभारणी होत असतानाच त्यामागे मेहनत असलेल्या व्यक्तिमत्त्वाचे नाव देणे हे अधिक योग्य असेल. नितीन गडकरी साहेबांनी (Rohit Pawar Meet Nitin Gadkari) यासाठी एक प्रक्रिया असल्याचे सांगत त्या प्रक्रियेसाठी आवश्यक त्या सर्व बाबींची पूर्तता करून पाठपुरावा करण्याचा शब्द दिला आहे, अशी माहिती त्यांनी या भेटीनंतर दिली आहे. दिवंगत अजित पवार यांच्या विमान अपघातासंदर्भात ठाकरेसेनेचे खासदार अरविंद सावंत यांनी स्थगन प्रस्तावाच्या माध्यमातून चर्चा घडवून आणण्याचा प्रयत्न केला, परंतु त्यांना बोलू दिले गेले नाही. ज्याप्रमाणे राज्य विधिमंडळात चर्चा होऊ दिली जात नाही त्याचप्रकारे संसदेतही चर्चेला अडथळे आणले जात आहेत का? असा प्रश्न उपस्थित होतो. (Rohit Pawar Meet Nitin Gadkari) संसदेच्या अधिवेशनात अपघाताच्या पारदर्शक चौकशीसाठी खासदार सुप्रियाताईं सुळेच्या मदतीने इंडिया आघाडीतील सर्व नेत्यांना भेटून पाठपुरावा करत आहोत. इंडिया आघाडीतील सर्वच पक्ष या अपघाताच्या पारदर्शक चौकशीची मागणी करणार आहेत, असे रोहित पवार यांनी म्हटले. रोहित पवार यांनी काँग्रेस नेत्या सोनिया गांधी, काँग्रेस अध्यक्ष मल्लिकार्जुन खर्गे यांची भेट घेतली आहे. त्यानंतर, आज त्यांनी केंद्रीयमंत्री नितीन गडकरी (Nitin Gadkari)यांची भेट घेत विमान अपघाताच्या तपासाच्यासंबंधी चर्चा केली.
