Riyan Parag Angry on Vaibhav Sooryavanshi Video Viral : आयपीएल २०२६ च्या ‘क्वालिफायर-२’ सारख्या अत्यंत महत्त्वाच्या सामन्यात राजस्थान रॉयल्सच्या वंडर बॉय वैभव सूर्यवंशीचा झंझावात पुन्हा एकदा पाहायला मिळाला. गुजरात टायटन्सविरुद्धच्या या अटीतटीच्या सामन्यात वैभवने ४७ चेंडूंत ८ चौकार आणि ७ षटकारांच्या मदतीने ९६ धावांची तुफानी खेळी केली. मात्र, कगिसो रबाडाच्या एका शॉर्ट बॉलवर मोठा शॉट मारण्याच्या नादात तो बाद झाला आणि अवघ्या ४ धावांनी त्याचे शतक हुकले. यानंतर डगआऊटमधील एका व्हिडिओने सध्या सोशल मीडियावर खळबळ उडवून दिली आहे.

डगआऊटमध्ये वैभववर भडकला कॅप्टन रियान पराग?

या सामन्यात वैभव सूर्यवंशी नेहमीपेक्षा थोड्या वेगळ्या शैलीत खेळताना दिसला, जिथे त्याने आपल्या आयपीएल कारकिर्दीतील सर्वात संथ अर्धशतक झळकावले. असे असूनही त्याने राजस्थानला २००० पेक्षा जास्त धावांचा टप्पा ओलांडून देण्यात मोलाचा वाटा उचलला. वैभव बाद होऊन डगआऊटमध्ये बसलेला असताना, राजस्थान रॉयल्सचा कर्णधार रियान पराग त्याच्या जवळ आला आणि काहीतरी बोलू लागला.

Riyan parag scolding Vaibhav Sooryavanshi for getting out ??? But why pic.twitter.com/QN6kKiT1xu

— S. (@ABCDdrs) May 29, 2026

यावेळी रियान थोडा रागात असल्यासारखा दिसत होता, तर वैभव अत्यंत निराश होऊन मान खाली घालून ऐकत होता. या दोघांच्या संभाषणाचा हा व्हिडीओ इंटरनेटवर जोरदार व्हायरल होत आहे. राजस्थान रॉयल्सने प्रथम फलंदाजी करताना २० षटकांत ६ विकेट्स गमावून २१४ धावांचा डोंगर उभारला.

Riyan Parag scolding Vaibhav Sooryavanshi after he missed a well deserved 100 #GTvsRR pic.twitter.com/oPGBCXzvAX

— DJAY (@djaywalebabu) May 29, 2026

वैभवने ग्लेन मॅक्सवेलच्या नकोशा विक्रमाची केली बरोबरी –

९६ धावांवर बाद होताच वैभव सूर्यवंशीच्या नावावर एक नकोसा विक्रम नोंदवला गेला आहे. आयपीएल कारकिर्दीत सर्वाधिक वेळा ‘नाइंटीज’ (९० ते ९९ धावांच्या दरम्यान) मध्ये बाद होण्याच्या बाबतीत तो आता संयुक्तपणे डेव्हिड वॉर्नर, केएल राहुल, ग्लेन मॅक्सवेल आणि ऋतुराज गायकवाड यांच्या बरोबरीने (३ वेळा) आला आहे.

हेही वाचा – Vaibhav Sooryavanshi Record : वैभव सूर्यवंशीचा आणखी एक कारनामा! IPL मध्ये सर्वात वेगाने ‘हा’ पराक्रम करणारा पहिला भारतीय फलंदाज ठरला

विशेष म्हणजे, आयपीएलच्या एकाच हंगामात सर्वाधिक वेळा ९० ते ९९ धावांच्या दरम्यान बाद होण्याच्या बाबतीत वैभवने ऑस्ट्रेलियाच्या ग्लेन मॅक्सवेलची बरोबरी केली आहे. मॅक्सवेल २०१४ च्या आयपीएल हंगामात ३ वेळा शतकाच्या अगदी जवळ येऊन बाद झाला होता, तर आता १५ वर्षांचा वैभव सूर्यवंशी या चालू हंगामात तब्बल ३ वेळा शतकापासून हुकला आहे.