Reserve Bank of India :  अहिल्यानगर जिल्ह्यातील अशोक सहकारी बँक लिमिटेड, अहमदनगर या बँकेवर सध्या आर्थिक स्थिती लक्षात घेऊन आरबीआयने सहा महिन्यांसाठी निर्बंध लादले आहेत. भारतीय रिझर्व्ह बँकेने अशोक बँकेच्या संचालक मंडळाशी व वरिष्ठ व्यवस्थापनाशी चर्चा करून बँकेच्या कामकाजात सुधारणा करण्यासाठी प्रयत्न केले होते.

मात्र, ठेवीदारांच्या हिताचे संरक्षण करण्यासाठी आवश्यक ठोस उपाययोजना बँकेकडून करण्यात न आल्याने रिझर्व्ह बँकेने 28 ऑगस्ट 2026 रोजी अशोक सहकारी बँक लिमिटेडवर सहा महिन्यांसाठी निर्बंध जारी केले आहे.

आरबीआयने अशोक सहकारी बँक लिमिटेड, अहमदनगर या बँकेतून बचत खाते, चालू खाते किंवा इतर कोणत्याही खात्यातून रक्कम काढण्यास परवानगी देऊ नये, असे बँकेला निर्देश देण्यात आले आहेत. बँकेला कर्जांचं नुतनीकरण किंवा नवी कर्ज देण्यास देखील मनाई करण्यात आली आहे. गुंतवणूक करणे किंवा नव्या ठेवी स्वीकारणे, कर्ज घेणे, मालमत्तेची विक्री कर याला देखील मनाई करण्यात आली आहे.  Reserve Bank of India

5 लाखांपर्यंतच्या ठेवींना डीआयसीजीसीकडून संरक्षण

रिझर्व्ह बँकेने अशोक सहकारी बँक लिमिटेड, अहमदनगर या बँकेच्या ठेवीदारांच्या 5 लाखांपर्यंतच्या ठेवींना डीआयसीजीसीकडून संरक्षण मिळेल. तर वसुली नियमित चालू राहणार असून वसूल झालेली रक्कम बँकेत जमा होणार आहे.

बँकिंग परवाना रद्द नाही

रिझर्व्ह बँक ऑफ इंडियानं अशोक सहकारी बँक लिमिटेड, अहमदनगरवर निर्बंध लादले असले तरी बँकेचा बँकिंग परवाना रद्द केलेले नाहीत. हे निर्बंध सहा महिन्यांच्या कालावधीसाठी लागू असतील. निर्बंधांचा कालावधी 28 ऑगस्ट 2026 पासून सुरु होईल. दरम्यान, रिझर्व्ह बँकेच्या परिस्थितीवर सतत लक्ष ठेवणार असून, परिस्थितीनुसार आणि ठेवीदारांच्या हितासाठी आवश्यक त्या सुधारणा अथवा कारवाई केली जाऊ शकते.  Reserve Bank of India

हेही वाचा: 

Emraan Hashmi : इम्रान हाश्मीला स्वाइन फ्लूची लागण; बेंगळुरूमधील कार्यक्रम पुढे ढकलला