मुंबई : भारताच्या 76 व्या प्रजासत्ताक दिनानिमित्त 26 जानेवारी 2025 रोजी ध्वजारोहणाचा मुख्य शासकीय समारंभ राज्यभर एकाच वेळी साजरा करण्यात येणार आहे. सकाळी 9.15 वाजता हा कार्यक्रम आयोजित करण्यात येणार आहे.

या मुख्य शासकीय समारंभात निमंत्रितांना सहभागी होता यावे यासाठी या दिवशी सकाळी 8.30 ते 10 या दरम्यान ध्वजारोहणाचा किंवा इतर कोणताही शासकीय किंवा अर्ध शासकीय समारंभ आयोजित करण्यात येऊ नये, असे राजशिष्टाचार विभागामार्फत कळविण्यात आले आहे.

या सगळ्यात प्रजासत्ताक दिनी कोणते मंत्री कुठे ध्वजारोहण करणार? याची उत्सुकता सगळ्यांना लागलेली असते. अखेर आता कोणते मंत्री कुठे ध्वजारोहण करणार याची समोर आली आहे. विभागीय आणि जिल्हा स्तरावर खाली दर्शविल्याप्रमाणे मंत्री अथवा राज्यमंत्री ध्वजारोहण करतील.

मुंबई येथील मुख्य शासकीय समारंभात राज्यपाल यांच्या हस्ते व मुख्यमंत्री यांच्या उपस्थितीत शिवाजी पार्क दादर मुंबई येथे ध्वजारोहण व समारंभपूर्वक संचलन कार्यक्रम होईल.

ठाणे – उपमुख्यमंत्री एकनाथ गंगुबाई संभाजी शिंदे
पुणे – उपमुख्यमंत्री अजित आशाताई अनंतराव पवार
नागपूर – मंत्री सर्वश्री चंद्रशेखर प्रभावती कृष्णराव बावनकुळे
अहिल्यानगर – राधाकृष्ण सिंधुताई एकनाथराव विखे पाटील
वाशिम – हसन सकीना मियालाल मुश्रीफ
सांगली – चंद्रकांत सरस्वती बच्चू पाटील
नाशिक- गिरीश गीता दत्तात्रय महाजन
पालघर- गणेश सुभद्रा रामचंद्र नाईक
जळगाव- गुलाबराव रेवाबाई रघुनाथ पाटील
यवतमाळ- संजय प्रमिला दुलीचंद राठोड,
मुंबई शहर- मंगलप्रभात प्रेमकवर गुमनमल लोढा
मुंबई उपनगर- ॲड.आशिष मीनल बाबाजी शेलार
रत्नागिरी- उदय स्वरूपा रवींद्र सामंत
धुळे- जयकुमार नयनकुवर जितेंद्रसिंह रावल
जालना- श्रीमती पंकजा प्रज्ञा गोपीनाथ मुंडे
नांदेड- अतुल लीलावती मोरेश्वर सावे
चंद्रपूर- अशोक जनाबाई रामाजी उईके
सातारा- शंभुराज विजया देवी शिवाजीराव देसाई
बीड- दत्तात्रय गिरीजाबाई विठोबा भरणे
रायगड- आदिती वरदा सुनील तटकरे
लातूर- शिवेंद्रसिंह अरुणाराजे अभयसिंहराजे भोसले
नंदुरबार- ॲङ माणिकराव सरस्वती शिवाजी कोकाटे
सोलापूर- जयकुमार कमल भगवानराव गोरे
हिंगोली- नरहरी सावित्रीबाई सिताराम झिरवाळ
भंडारा- संजय सुशीला वामन सावकारे
छत्रपती संभाजीनगर- संजय शकुंतला पांडुरंग शिरसाट
धाराशिव- प्रताप इंदिराबाई बाबुराव सरनाईक
बुलढाणा- मकरंद सुमन लक्ष्मणराव जाधव (पाटील)
सिंधुदुर्ग- नितेश नीलम नारायण राणे
अकोला- आकाश सुनिता पांडुरंग फुंडकर
गोंदिया- बाबासाहेब शांताबाई मोहनराव पाटील
कोल्हापूर- प्रकाश सुशीला आनंदराव आबिटकर
गडचिरोली- ॲड. आशिष उमादेवी नंदकिशोर जयस्वाल
वर्धा- पंकज कांचन राजेश भोयर
परभणी- श्रीमती मेघना दीपक साकोरे-बोर्डीकर
अमरावती- इंद्रनील अनिता मनोहर नाईक

मंत्री उपस्थित न राहिल्यास कोण करणार ध्वजारोहण? 
राष्ट्रध्वजारोहण करणारे मंत्री अथवा राज्यमंत्री काही अपरिहार्य कारणामुळे कार्यक्रम स्थळी उपस्थित राहू न शकल्यास विभागीय मुख्यालयी विभागीय आयुक्तांनी आणि जिल्हा मुख्यालयी जिल्हाधिकारी यांनी तसेच इतर विभागीय व जिल्हा मुख्यालयाच्या ठिकाणी अनुक्रमे संबंधित विभागीय आयुक्त व जिल्हाधिकारी ध्वजारोहण करतील.