Renuka Chowdhury : संसदेच्या आवारात एका श्वानाला आणल्याबद्दल आणि खासदारांविरुद्ध अपमानास्पद टिप्पणी केल्याबद्दल काँग्रेसच्या राज्यसभेच्या खासदार रेणुका चौधरी (Renuka Chowdhury) यांना हक्क भंगाची नोटीस बजावण्यात आली आहे. राज्यसभेच्या हक्कभंग समितीने त्यांच्याविरुद्धच्या तक्रार दाखल घेत २३ फेब्रुवारीपर्यंत आरोपांचे उत्तर देण्यास सांगितले. भाजप खासदार ब्रिजलाल आणि इंदू बाला गोस्वामी यांनी चौधरी यांच्याविरुद्ध हक्क भंगाची नोटीस सादर केली होती. जी राज्यसभेच्या अध्यक्षांनी समितीकडे पाठवली आहे. गेल्या आठवड्यात झालेल्या बैठकीत समितीने या प्रकरणाची तपासणी केली आणि या प्रकरणावर त्यांच्या लेखी प्रतिक्रिया मागवण्याचा निर्णय घेतला. दरम्यान, हिवाळी अधिवेशनादरम्यान चौधरी यांनी १ डिसेंबर रोजी संसदेत त्यांच्या कारमधून एका श्वानाला आणले होते. यावरती काही सदस्यांनी आक्षेप घेतला. त्यावर चौधरी यांनी ‘आत बसलेले लोक चावतात, श्वान चावत नाहीत’, असे वादग्रस्त विधान केले होते.
