Weather Update – यावर्षी मोसमी पावसाने नियोजित वेळेपूर्वीच देशात प्रवेश केला आहे. त्यामुळे देशाच्या दक्षिण भागात सतत मुसळधार पाऊस पडत आहे. दक्षिणेकडील मान्सूनच्या पावसाचा सर्वाधिक फटका केरळला बसला आहे. येथे मोठ्या प्रमाणात झालेल्या नुकसानीमुळे, भारतीय हवामान खात्याने (आयएमडी) आठ जिल्ह्यांसाठी रेड अलर्ट जारी केला आहे.

बंगालच्या उपसागरावर निर्माण झालेल्या तीव्र कमी दाबाच्या पट्ट्यामुळे, येत्या काही दिवसांत राज्यातील अनेक भागात मुसळधार पाऊस पडण्याची शक्यता असल्याचे आयएमडीने म्हटले आहे. या दाबामुळे, केरळच्या काही भागात मध्यम पाऊस आणि ४०-६० किमी प्रतितास वेगाने जोरदार वारे वाहण्याची शक्यता आहे.

केरळमधील ज्या जिल्ह्यांसाठी आयएमडीने रेड अलर्ट जारी केला आहे ते म्हणजे पथनमथिट्टा, कोट्टायम, एर्नाकुलम, इडुक्की, कोझिकोड, वायनाड, कन्नूर आणि कासारगोड जिल्हे. या जिल्ह्यांमध्ये रेड अलर्ट जारी करण्यात आला आहे आणि उर्वरित जिल्ह्यांसाठी ऑरेंज अलर्ट जारी करण्यात आला आहे.

हवामान विभागाने उद्यासाठी केरळमधील लोकांना इशारा दिला आहे. आयएमडीने राज्यातील तीन जिल्ह्यांसाठी, इडुक्की, कन्नूर आणि कासारगोड आणि उद्या म्हणजे शुक्रवारी उर्वरित ११ जिल्ह्यांसाठी ऑरेंज अलर्ट जारी केला आहे.