Satara: राज्यात सत्तेची फळे अन् स्थानिक पातळीवर गद्दारी
Satara सत्तेचा मलिदा खाताना महायुती आपली आणि निवडणुकीत सोयीची भूमिका घ्यायची, ही दुटप्पी भूमिका जनता किती दिवस सहन करणार? मतदारांनी महायुतीवर विश्वास ठेवायचा तरी कसा? असा सवाल आता सामान्य मतदारांमधून उपस्थित होत आहे. या प्रकरणावर शिवसेनेचे वरिष्ठ नेते आणि पालकमंत्री काय भूमिका घेतात, हे पाहणे महत्त्वाचे ठरणार आहे.

Satara: राजकारणात सध्या एका व्हॉट्स ॲप ग्रुपमधील चॅटिंगने मोठी खळबळ उडवून दिली आहे. पदवीधर निवडणुकीत शिवसेनेच्या स्थानिक पदाधिकाऱ्यांनी नेमकी काय भूमिका घेतली, यावरून महायुतीतच जुंपल्याचे चित्र दिसत आहे.मतदारांनी महायुतीवर विश्वास ठेवायचा तरी कसा, असा सवाल आता सामान्य मतदारांमधून उपस्थित होत आहे.
व्हॉट्स ॲपच्या एका ग्रुपवर झालेल्या संभाषणात शिवसेनेचे तालुकाप्रमुख नानासो उर्फ पिंटू इवरे यांनी एक विधान केले आहे. या चर्चेत इवरे यांनी ‘मी तालुका प्रमुख म्हणून सांगतो, हर्षदा देशमुख मॅडमचंच काम केलं.’ असे विधान केले. त्यांच्या या विधानाचा थेट अर्थ पदवीधर निवडणुकीत त्यांनी महायुतीच्या अधिकृत उमेदवाराऐवजी हर्षदा देशमुख यांचे काम केल्याची कबुली दिल्यासारखे आहे. इवरे यांच्या या विधानानंतर ग्रुपमध्ये वादाला तोंड फुटले. ‘तुम्ही युतीधर्म पाळलाच नाही ना दादा.’ असे म्हणत भाजप कार्यकर्ते सनी काकडे यांनी थेट शिवसेनेच्या भूमिकेवर निशाणा साधला.
राज्यात महायुतीचा भाग म्हणून मंत्रिपदे, महामंडळे आणि सत्तेची फळे चाखायची आणि स्थानिक पातळीवर मात्र युतीच्या पाठीत खंजीर खुपसायचा, ही कोणती निष्ठाअसा एकच सवाल फलटणमध्ये उपस्थित होत आहे. संपूर्ण राज्यात महायुती एकजुटीने निवडणुका लढवत आहे, तेव्हा फलटणमध्ये मात्र शिवसेनेच्या तालुकाप्रमुखांनीच युतीधर्माला छेद देणे, हे गंभीर मानले जात आहे.
महायुतीवर विश्वास ठेवायचा कसा?
सत्तेचा मलिदा खाताना महायुती आपली आणि निवडणुकीत सोयीची भूमिका घ्यायची, ही दुटप्पी भूमिका जनता किती दिवस सहन करणार? मतदारांनी महायुतीवर विश्वास ठेवायचा तरी कसा? असा सवाल आता सामान्य मतदारांमधून उपस्थित होत आहे. या प्रकरणावर शिवसेनेचे वरिष्ठ नेते आणि पालकमंत्री काय भूमिका घेतात, हे पाहणे महत्त्वाचे ठरणार आहे.





