T20 World Cup 2024 (Ravindra Jadeja) : विराट कोहली आणि रोहित शर्मानंतर अष्टपैलू रवींद्र जडेजाने टी-20 फॉरमॅटला अलविदा केला आहे. मात्र, रवींद्र जडेजा वनडे आणि कसोटीत खेळत राहणार आहे. शनिवारी भारतीय संघाने दक्षिण आफ्रिकेचा पराभव करून टी-20 विश्वचषक जिंकला. या विजयानंतर विराट कोहली आणि रोहित शर्मा यांनी टी20 फॉरमॅटमधून निवृत्ती जाहीर केली. यासोबतच आता या यादीत रवींद्र जडेजाचेही नाव जोडले गेले आहे. अशाप्रकारे टी-20 विश्वचषक विजेतेपद पटकावल्यानंतर भारताच्या 3 दिग्गज क्रिकेटपटूंनी या फॉरमॅटला अलविदा केला आहे.

रवींद्र जडेजाने इंस्टाग्रामवर टी-20 वर्ल्ड कप ट्रॉफीसह पोस्ट केली आहे. या पोस्टच्या कॅप्शनमध्ये त्यांनी लिहिले आहे की,”मनापासून कृतज्ञता व्यक्त करत मी T20 आंतरराष्ट्रीय कारकिर्दीला निरोप देत आहे. अभिमानाने धावणाऱ्या घोड्याप्रमाणे मी माझ्या देशासाठी नेहमीच 100 टक्के दिले आहेत आणि देत राहीन… T20 विश्वचषक जिंकणे हे एक स्वप्न सत्यात उतरले आहे. आठवणी, उत्साह आणि अतुलनीय पाठिंब्याबद्दल धन्यवाद.”

Ravindra Jadeja announces retirement from T20 International Cricket

“Winning the T20 World Cup was a dream come true, a pinnacle of my T20 international career,” Jadeja wrote on his social media pic.twitter.com/MUHh5MupCH

— ANI (@ANI) June 30, 2024

रवींद्र जडेजाची अशी होती आंतरराष्ट्रीय टी20 कारकीर्द…

टी-20 विश्वचषक 2009 मध्ये रवींद्र जडेजा पहिल्यांदा खेळला, त्यानंतर तो भारताकडून तिन्ही फॉरमॅटमध्ये खेळत राहिला. या अष्टपैलू खेळाडूने 74 टी-20 सामन्यांमध्ये भारतीय संघाचे प्रतिनिधित्व केले. ज्यामध्ये एक फलंदाज म्हणून त्याने 21.46 च्या सरासरीने आणि 127.16 च्या स्ट्राईक रेटने 515 धावा केल्या. त्याच वेळी, रवींद्र जडेजाने भारतासाठी गोलंदाज म्हणून टी-20 सामन्यांमध्ये 7.62 इकॉनॉमी आणि 29.85 च्या सरासरीने 54 बळी घेतले आहेत.