Rashmika Mandanna : अभिनेता अल्लू अर्जुन आणि अभिनेत्री रश्मिका मंदानाची प्रमुख भूमिका असलेला पुष्पा-2 चित्रपट बॉक्स ऑफिसवर अफाट कमाई करत आहे. चित्रपटाने जगभरात 1500 कोटी रुपयांपेक्षा अधिकची कमाई केली आहे. मात्र, एकीकडे पुष्पा बॉक्स ऑफिसवर धुमाकूळ घालत असताना रश्मिकाने तिच्या आगामी चित्रपटाच्या शुटिंगलाही सुरुवात केली आहे.

अभिनेत्री तिच्या आगामी ‘सिकंदर’ या चित्रपटात सलमान खानसोबत काम करत आहे. ज्याची चाहते आतुरतेने वाट पाहत आहेत. दरम्यान, सध्या रश्मिका मंदानामुळे चित्रपटाचे शूटिंग थांबल्याची माहिती समोर आली आहे. अभिनेत्रीला गंभीर दुखापत झाल्याचं समजलं आहे.

रश्मिका मंदानाला जिममध्ये दुखापत झाली आहे. अभिनेत्रीच्या जवळच्या एका सूत्राने याबद्दल माहिती दिली आहे. त्यामुळे आता तिला विश्रांतीची गरज असून, सिनेमाच्या कामातून थोडा ब्रेक घेतला आहे. अभिनेत्रीची तब्येत सध्या ठीक असल्याचे सांगितले जात आहे. आशा आहे की ती लवकरच सेटवर काम सुरू करेल.

दरम्यान, सलमान खानसोबत ती ‘सिकंदर’ चित्रपटात ॲक्शन करताना दिसणार आहे. रश्मिकाचे नाव फिटनेस फ्रीक कलाकारांच्या यादीत समाविष्ट आहे. ती स्वत:ला तंदुरुस्त ठेवण्यासाठी जिममध्ये खूप मेहनत करते. नेहमी सोशल मीडियावर रश्मिका तिचे जिममधील फोटो आणि व्हिडीओ शेअर करत असते. तिचा चाहता वर्ग देखील लाखोंच्या घरात आहे.