रांजणगाव गणपती : येथील औद्योगिक वसाहतीमध्ये कामाचा ठेका मिळवण्यासाठी कंपनीमध्ये अवैधरीत्या प्रवेश करून कंपनीच्या अधिकाऱ्यास मारहाण केल्याची घटना घडली असल्याचे घटना घडली असल्याचे पोलीस निरीक्षक महादेव वाघमोडे यांनी सांगितले याबाबत कंपनीचे अधिकारी दिनेशकुमार योगेंद्र मिश्रा वय ४३ वर्ष, यांनी रांजणगाव एमआयडीसी पोलीस स्टेशनला फिर्याद दिली आहे.

याबाबत पोलिसांनी दिलेले माहितीनुसार,  ४ ऑक्टोबर रोजी रोजी सकाळी साडेनऊ वाजता चे सुमारास फिर्यादी हे नेहमीप्रमाणे आमच्या SYRMA SGS, (1) रांजणगाव एमआयडीसी, प्लॉट नंबर G-3, तालुका शिरूर, जिल्हा पुणे, कंपनीच्या कामकाजाकरिता कंपनीमध्ये येऊन कंपनीच्या ऑफिसमध्ये बसून कामकाज करत असताना ११.४५ वाजताच्या सुमारास १) मारुती फरगडे २) अभिजीत फरगडे ३) आशिष दसगुडे व त्यांच्यासोबत इतर दोन अनोळखी तरुण हे फिर्यादी कंपनीतील सुरक्षा रक्षक किंवा इतर कोणाचीही परवानगी न घेता आमचे कंपनीच्या आवारामध्ये अनाधिकृतपणे प्रवेश केला.

कंपनीच्या कार्यालयात शिरून त्यांनी मला तुमच्या कंपनीमध्ये आम्हाला कामगार पुरवठा करण्याचे काम पाहिजे आहे, या आधी आम्ही तुम्हाला तीन -चार वेळा भेटलो, तरी तुम्ही आम्हाला काम द्यायला टाळाटाळ करता. आम्ही इथलेच कर्डेलवाडी चे आहोत ही कंपनी आमच्याच तालुक्यात आहे. आम्ही स्थानिक असून तुम्ही आम्हाला काम देत नाही. “तेव्हा मी त्यांना साहेब अजून आपली कंपनी चालू झाली नाही तसेच सध्या आमच्या कंपनीला कामगार पुरवठा करणाऱ्या कामाची गरज नाही लवकरच कंपनी चालू झाल्यानंतर आम्ही तुम्हाला काम देऊ तुमची नावे आमच्याकडे आहेत.

तेव्हा त्यांच्यातील मारुती फरगडे याने खुर्चीवरून उठून मला मोठमोठ्याने शिवीगाळ करून ऑफिस मधील खुर्ची उचलून मला मारहाण केली. तसेच ऑफिस मधील खुर्च्यांची तोडफोड करून नुकसान केले आहे. त्याच्यासोबतच्या आलेल्या अभिजीत फरगडे, आशिष दसगुडे व इतर दोन अनोळखी तरुणांनी शिवीगाळ करून मला मारहाण करण्याचा प्रयत्न केला. तसेच आम्हाला कामाचा ठेका नाही दिल्यास. तु येथे काम कसे करतो? असे म्हणून जिवे मारण्याची धमकी देऊन निघून गेल्याने सदर आरोपींवर कंपनीत बेकायदेशीर घुसून शिवीगाळ मारहाण व नुकसान केल्याचा गुन्हा दाखल करण्यात आले असल्याचे पोलिसांनी सांगितले. सदर घटनेचा पुढील तपास पोलीस उपनिरीक्षक अविनाश थोरात हे करत आहेत.