प्रभात वृत्तसेवा रांजणगाव गणपती – वाघाळे ग्रामपंचायतीच्या सरपंचपदी अनिता विजय गावडे यांची बिनविरोध निवड करण्यात आली आहे. मावळत्या सरपंच नंदा संभाजी शेळके यांनी आपल्या पदाचा राजीनामा दिल्याने ही निवडणूक प्रक्रिया राबविण्यात आली.सरपंच पदासाठी अनिता गावडे यांचा एकमेव अर्ज आल्याने अनिता विजय गावडे यांची सरपंचपदी बिनविरोध निवड करण्यात आली. या निवड प्रक्रियेसाठी मंडलाधिकारी स्वाती टावरे, कामगार तलाठी मनोहर तेलंग, व ग्रामसेवक शितल भालसिंग यांनी सहकार्य केले. याप्रसंगी शिरूर खरेदी विक्री संघाचे संचालक लहू थोरात, संचालिका सुजाता नरवडे, ज्योती मानसिंग पाचुंदकर, सोसायटीचे चेअरमन नरसिंग घोलप, ग्रामपंचायत सदस्य राजेंद्र भोसले, राजेंद्र धायबर, विकास कारकूड, नलिनी थोरात, अनिता शेळके, नंदा शेळके, शेतकरी संघटनेचे नेते सुहास काटे, उद्योजक वैभव गावडे, खंडाळेच्या सरपंच सारिका दरवडे, माजी सरपंच ज्योती नरवडे, रांजणगाव ग्रामपंचायत सदस्य मनीषा पाचुंदकर उपस्थित होत्या.नवनिर्वाचित सरपंच अनिता गावडे यांचा ज्योती मानसिंग पाचुंदकर यांच्या हस्ते सत्कार करण्यात आला.
