राखी सावंतने पतीवर केले गंभीर आरोप,’आदिलने माझा MMS बनवला आणि विकला’
मुंबई – ड्रामा क्वीन राखी सावंतचा पती आदिल सध्या पोलिसांच्या ताब्यात आहे. राखीने तिच्या पतीवर मारहाण करून पैसे आणि दागिने हिसकावून घेतल्याचा आरोप केला होता. आता राखी सावनने नवा खुलासा केला आहे. आदिलने तिचे अश्लील व्हिडिओ बनवून विकल्याचे राखीने म्हटले आहे. सायबर गुन्हे विभाग या प्रकरणाचा तपास करत आहे.
View this post on Instagram
अशातच वृत्तवाहिनीला दिलेल्या मुलाखतीत राखी सावंतने हा आरोप केला आहे. याशिवाय आदिलने त्याची गर्लफ्रेंड तनू हिलाही लग्नाचे वचन दिल्याचे राखीने सांगितले. आदिलने बाथरूममध्ये तिला मारहाण केल्याचे राखी सावंतने सांगितले.
आदिलला जामीन मिळू नये, अशी राखीची इच्छा आहे. आदिलने केलेल्या दीड कोटींच्या फसवणुकीची सर्व माहिती तिने कोर्टात बँक स्टेटमेंटही दिली आहे, असे अभिनेत्रीने सांगितले. आदिलने ओटीपी घेऊन तिचे पैसे चोरल्याचे राखीने सांगितले. राखीच्या वकिलाने असेही सांगितले की, आदिलने राखीचे पैसे घेतले आहेत, जर पती-पत्नीने एकमेकांची फसवणूक करून पैसे चोरले तर हा गंभीर गुन्हा आहे.
आदिलने पैसे दिले असते तर आज तिची आई जिवंत असती, असे राखी वारंवार सांगताना ऐकायला मिळत आहे. तिने म्हटले आहे की, जेव्हा ती बिग बॉस मराठीमध्ये गेली होती तेव्हा तिने तिचे सर्व बँक खाते आदिलला दिले होते. मात्र आईच्या उपचारासाठी पैशांची गरज असताना आदिलने त्यावेळी पैसे दिले नाहीत. राखीवर विश्वास ठेवला तर तिने आदिला १० लाखांचा चेक दिला होता, जो आदिलने आईच्या उपचारासाठी दिला नाही. यामुळे त्याच्या आईचा मृत्यू झाला.
