Kavya Maran | Anirudh Ravichander : सुपरस्टार रजनीकांत यांना सौंदर्या रजनीकांत आणि ऐश्वर्या रजनीकांत या दोन मुली आहेत. धनुष हा त्यांचा जावई आहे. रजनीकांत यांचे कुटुंब इतकेच मर्यादित नाही. रजनीकांत यांच्या पत्नी लता रजनीकांत यांची बहीण लक्ष्मी राघवेंद्र यांचा मुलगा देखील चित्रपटसृष्टीवर राज्य करतो.

रजनीकांत यांचे पुतणे असलेले सेलिब्रिटी संगीतकार ‘अनिरुद्ध रविचंदर’ हे सन ग्रुप आणि आयपीएल संघ सनरायझर्स हैदराबादचे ३२ वर्षीय मालक यांच्याशी लग्न करणार आहेत. दोघेही गेल्या एक वर्षापासून डेट करत आहेत. अनिरुद्ध ३४ वर्षांचा आहे.

अनिरुद्ध रविचंदर आणि काव्या मारन हे दोघे लवकरच लग्नाच्या बेडीत अडकणार आहेत. त्यांच्या लग्नाची अधिकृतपणे अद्याप पुष्टी झालेली नाही. चित्रपटसृष्टीतील सर्वात लोकप्रिय संगीतकारांपैकी एक असलेले अनिरुद्ध आणि काव्या यांना अनेक वेळा एकत्र पाहिले गेले आहे. दोघांना एकत्र सुट्टीचा आनंद घेताना पाहिले गेले आहे.

एका व्हायरल रेडिट पोस्टमध्ये असा दावा करण्यात आला होता की हे दोघे गेल्या एक वर्षापासून डेटिंग करत आहेत आणि आता लग्न करण्याचा विचार करत आहेत. ३४ वर्षीय अनिरुद्ध आणि ३२ वर्षीय काव्या यांनी सुमारे एक वर्षापूर्वी डेटिंग सुरू केले असल्याचं बोललं जात आहे.

सध्या त्यांच्या लग्नाची तयारीही सुरू असल्याचे म्हटले जात आहे. “असे म्हटले जात आहे की संगीतकार अनिरुद्ध रविचंदर आणि सन टीव्हीच्या कलानिधी मारन यांची मुलगी आणि सनरायझर्स हैदराबाद आयपीएल संघाची मालकीण काव्या मारन रिलेशनशिपमध्ये आहेत.”अनिरुद्ध आणि काव्या यांना अलीकडेच एका डिनर डेटवर पाहिल्यानंतर त्यांच्या डेटिंगची चर्चा सुरू झाली.

अनिरुद्ध रविचंदर हा एका कलाकार कुटुंबातून येतो. तो अभिनेता रवी राघवेंद्र आणि शास्त्रीय नृत्यांगना लक्ष्मी यांचा मुलगा आहे. त्याची मावशी लता यांचे लग्न सुपरस्टार रजनीकांत यांच्याशी झाले आहे. त्याचे पणजोबा के सुब्रमण्यम हे १९३० च्या दशकात चित्रपट निर्माते होते.

अनिरुद्धने रजनीकांत, कमल हासन, थलापती विजय, अजित, सूर्या, पवन कल्याण, महेश बाबू आणि ज्युनियर एनटीआर सारख्या मोठ्या दक्षिणेतील स्टार्ससाठी संगीत दिले आहे. त्याला शाहरुख खानच्या ‘जवान’ या चित्रपटातून बॉलिवूडमध्ये ब्रेक मिळाला.

अनिरुद्धने २०१२ मध्ये त्यांचे पहिले गाणे रचले. ‘व्हाय दिस कोलावेरी दी!’ हे गाणे तमिळ सुपरस्टार धनुषने गायले होते, ज्याने सर्वत्र खळबळ उडवून दिली. या गाण्यानेच अनिरुद्धने स्वतःला प्रतिभावान असल्याचे सिद्ध केले.