Rajasthan Election : राजस्थानच्या विधानसभा निवडणुकीच्या पार्श्वभूमीवर प्रत्येक पक्ष जोरदारपणे प्रचार करताना दिसून येत आहे. दरम्यन, या सगळ्यात कोटा विभागातील बरानच्या अंता विधानसभेत भारतीय जनता पक्ष आणि काँग्रेस यांच्यातील लढत तीव्र झाली आहे.

बरानमध्ये एक व्हिडिओ व्हायरल होत असून यात भाजप उमेदवाराने काँग्रेस उमेदवाराला धमकी दिल्याचा आरोप आहे. बरणचे भाजपचे उमेदवार कंवरलाल मीणा यांनी एका भाषणादरम्यान काँग्रेसचे उमेदवार खाण मंत्री आणि गोपाल मंत्री प्रमोद जैन भाया यांचे पाय तोडण्याची धमकी दिली आहे. त्यांनी दिलेल्या धमकीचा व्हिडिओ व्हायरल होत आहे.

भाजपचे उमेदवार कंवरलाल मीना यांनी एका सभेदरम्यान, प्रमोद जैन भायायांच्यासाठी केलेल्या भाषणात, त्यांचा नक्की काही तरी तोडगा करावा लागेल म्हणजे अगोदर मी फक्त एक पाय मोडण्याचा विचार केला होता पण आता मी विचार करत आहे कि दोन्ही पाय तोडावे लागतील.” अशी उघडउघड धमकी त्यांनी दिली असल्याचे व्हिडिओत दिसत आहे.

भाजप उमेदवार म्हणाले की, आता सर्वांनी एकत्र यावे, सर्व 66 समाजांनी एकत्र यावे आणि निवडणुकीच्या वेळी काही झाले तर मी देवासमोर उभा आहे , सर्व जबाबदारी माझी आहे. . घाबरू नका, भारतीय जनता पक्षाच्या बाजूने काम करताना आमच्या कार्यकर्त्यांकडून काही चूक झाली तर आम्ही कायद्याकडे बघणार नाही, तुमच्या बाजूने बोलू,” असे म्हणत त्यांनी हिंसेला एक प्रकारे दुजोराच दिला आहे.

हा व्हिडिओ व्हायरल झाल्यानंतर प्रमोद जैन भाया यांनी पोलिसात तक्रार दाखल केली आहे. अंता विधानसभा मतदारसंघ (193) जिल्हा-बारण येथील भाजपचे उमेदवार कंवरलाल मीणा यांनी काँग्रेसचे उमेदवार प्रमोद जैन भाया यांचे हातपाय तोडून त्यांच्या समर्थकांना कायदा हातात घेण्यास प्रवृत्त करून आदर्श आचारसंहितेचा भंग केल्याचे तक्रारीत म्हटले आहे.

भाया म्हणाले की, भारतीय राष्ट्रीय काँग्रेसचा उमेदवार म्हणून मी 2023 ची विधानसभा निवडणूक अंता विधानसभा मतदारसंघ, जिल्हा बरण येथून लढवत असून, आदर्श आचारसंहितेमध्ये अपेक्षित असलेल्या आचारसंहितेनुसार मी प्रचार करत आहे. अंता विधानसभा मतदारसंघातील भाजपचे उमेदवार कंवरलाल मीणा हे उघडपणे निवडणूक आचारसंहितेचे उल्लंघन करत आहेत.