Raj Thackeray : सध्या ये रे ये रे पैसा ३ या चित्रपटाची जोरदार चर्चा सुरू असून, नुकताच चित्रपटाचा भव्य असा ट्रेलर लॅान्च सोहळा मोठ्या उत्साही वातावरणात पार पडला. या ट्रेलर लॅान्च सोहळ्याला दिग्दर्शक निर्माता रोहित शेट्टी उपस्थित होता. तर महाराष्ट्र नवनिर्माण सेनेचे अध्यक्ष राज ठाकरे यांची प्रमुख उपस्थित लाभली होती. राज ठाकरे यांनी या चित्रपटाला चांगले यश मिळावे म्हणून शुभेच्छा दिल्या. याशिवाय या चित्रपटाचे दिग्दर्शक संजय जाधव यांनी राज साहेब ट्रेलर आवडला नाही, तर माझ्यासाठी हो म्हणा यावर राज ठाकरे यांनी मी माझा ट्रेलर कालच लॅान्च केला, पिक्चर अभी बाकी है! असे म्हणत त्यांच्या खास शैलीत उत्तर दिले. त्यांच्या या विधानावर उपस्थितांमध्ये एकच हशा पिकाला. राज ठाकरेंचे मिश्किल विधान “सर ट्रेलर आवडला नसेल, तरी पण आज चांगल म्हणा” आशा आहे तुम्हाला ट्रेलर आवडला असेल… असे म्हणत चित्रपटाचे दिग्दर्शक संजय जाधव यांनी राज ठाकरे आणि रोहित शेट्टी यांचे उपस्थितीत राहिल्याबद्दल अभिनंदन केले. माझा ट्रेलर मी काल लॅान्च केला होता. पिक्चर अभी बाकी है! असे म्हणत राज ठाकरे यांनी सूचक विधान केले आहे. तसेच त्यांनी चित्रपटाच्या तीन्ही भागांविषयी कौतुक करत तिसऱ्या म्हणजेच ये रे ये रे पैसा ३ ला शुभेच्छा दिल्या. ये रे तू काय डोळे वटारून बघतोस माझ्याकडे… या चित्रपटातील कलाकार व्यासपीठासमोर विराजमान झाले होते. राज ठाकरे यांनी सर्व कलाकारांना व्यासपीठावर येण्यास सांगितले. प्रत्येक कलाकाराचे नाव घेत त्यांनी या चित्रपटातील कलाकारांना व्यासपीठावर येण्यास सांगितले. यावेळी अरे ये रे तू काय डोळे वटारून बघतोस माझ्याकडे असे म्हणत अभिनेते संजय नार्वेकर यांनी व्यासपीठावर येण्यास सांगितले. त्यांच्या या विधानावर उपस्थितांमध्ये एकच हशा पिकला. राज्यात हिंदी सक्तीविरोधात ठाकरे बंधूंनी सरकाविरोधात घेतलेल्या भूमिकेमुळे सरकाराला हा निर्णय रद्द करण्यास भाग पाडले आहे. ५ जुलै रोजी ठाकरे बंधू पहिल्यांदाच एका व्यासपीठावर एकत्र पाहायला मिळणार आहे, असे स्वतः उबाठाचे नेते संजय राऊत यांनी स्पष्ट केले आहे. सामना या शिवसेनेच्या मृखपत्रातून विजय मेळाव्याची तारीखही जाहीर करण्यात आली आहे. अशातच राज ठाकरे यांनी ये रे ये रे पैसा ३ चित्रपटाच्या ट्रेलर लॅान्च सोहळ्यादरम्यान केलेले विधान अत्यंत बोलके असून, आगामी काळात अनेक राजकीय घडामोडी घडणार असल्याचे संकेत त्यांनी दिले आहेत. हे वाचा : ब्रिजभूषण सिंह यांनी केले अखिलेश यादव यांचे कौतुक ; म्हणाले,”ते धार्मिक आहेत पण…”
