Tejaswini Pandit Raj Thackeray Birthday Post: महाराष्ट्र नवनिर्माण सेनेचे अध्यक्ष राज ठाकरे यांच्या वाढदिवसानिमित्त राज्यभरातून त्यांच्यावर शुभेच्छांचा वर्षाव झाला. राजकीय क्षेत्रातील नेत्यांसह मनोरंजन विश्वातील अनेक कलाकारांनीही सोशल मीडियावर पोस्ट शेअर करत त्यांना शुभेच्छा दिल्या. मात्र, अभिनेत्री तेजस्विनी पंडितच्या एका खास पोस्टने सर्वांचं लक्ष वेधून घेतलं आहे.

तेजस्विनी पंडितने  (Tejaswini Pandit )  तिच्या इन्स्टाग्राम अकाउंटवर राज ठाकरेंसोबतचे चार फोटो शेअर केले. यापैकी दोन फोटोंमध्ये ती स्वतः दिसत आहे, तर उर्वरित दोन फोटोंमध्ये फक्त राज ठाकरे आहेत. मात्र, फोटोंपेक्षा तिच्या पोस्टमधील शब्दांनीच सोशल मीडियावर सर्वाधिक चर्चा रंगली आहे.

तेजस्विनीने पोस्टमध्ये लिहिलं की, “तुमच्यासाठी राज ठाकरे हे फक्त एक नाव असेल, पण आमच्यासाठी ती एक भावना आहे.” पुढे तिने सांगितलं की, राज ठाकरेंबद्दल ज्या लोकांच्या मनात आपुलकी आणि तळमळ आहे, त्यांच्या भावना याच शब्दांत व्यक्त होतात आणि ती स्वतःही त्याला अपवाद नाही.    (Tejaswini Pandit Raj Thackeray Birthday Post)

 

View this post on Instagram

 

तिने आपल्या पोस्टमध्ये राज ठाकरेंना वाढदिवसाच्या शुभेच्छा देताना त्यांच्या निरोगी आयुष्यासाठी प्रार्थना केली. तसेच महाराष्ट्रासाठी त्यांनी पाहिलेलं स्वप्न लवकरच पूर्ण होवो, अशीही इच्छा व्यक्त केली.

राजकारणासारख्या धकाधकीच्या आणि कठीण वातावरणात काम करत असतानाही त्यांनी आपली संवेदनशीलता कायम ठेवावी आणि प्रत्येक परिस्थितीला सामोरं जाण्याचं बळ त्यांना मिळावं, अशी प्रार्थना तिने केली आहे.   (Tejaswini Pandit Raj Thackeray Birthday Post)

या पोस्टच्या शेवटी तेजस्विनीने “हसत राहा, खूप प्रेम, जय महाराष्ट्र” अशा शब्दांत आपल्या भावना व्यक्त केल्या आहेत.

तेजस्विनी पंडित दरवर्षी राज ठाकरेंच्या वाढदिवसानिमित्त सोशल मीडियावर खास पोस्ट शेअर करत असते. त्यामुळे तिची ही पोस्ट पाहून अनेक चाहत्यांनीही प्रतिक्रिया दिल्या आहेत. काहींनी तिच्या भावना व्यक्त करण्याच्या पद्धतीचं कौतुक केलं, तर काहींनी राज ठाकरेंवरील तिच्या प्रेमाबद्दल प्रतिक्रिया दिल्या.

Tejaswini Pandit Raj Thackeray Birthday Post

दरम्यान, तेजस्विनी पंडित आणि राज ठाकरे यांचं नातं केवळ वैयक्तिक आपुलकीपुरतं मर्यादित नाही. २०२४ मध्ये तेजस्विनीने राज ठाकरेंवर आधारित ‘येक नंबर’ या चित्रपटाची निर्मिती केली होती. प्रेम आणि राजकीय महत्त्वाकांक्षा या विषयांवर आधारित हा चित्रपट प्रेक्षकांच्या पसंतीस उतरला होता.   (Tejaswini Pandit Raj Thackeray Birthday Post)

राजेश मापुस्कर यांनी या चित्रपटाचं दिग्दर्शन केलं होतं. या चित्रपटात धैर्य घोलप, सायली पाटील, तेजस्विनी पंडित, पुष्कर श्रोत्री, संजय मोने आणि आनंद इंगळे यांनी महत्त्वाच्या भूमिका साकारल्या होत्या. चित्रपट आधी चित्रपटगृहात प्रदर्शित झाला आणि त्यानंतर ओटीटी प्लॅटफॉर्मवरही उपलब्ध झाला.

सध्या मात्र राज ठाकरेंच्या वाढदिवसानिमित्त तेजस्विनी पंडितने केलेल्या पोस्टची सोशल मीडियावर जोरदार चर्चा रंगली आहे.