Bribe case : रायगड जिल्ह्यातील केंद्रीय वस्तू आणि सेवा कर विभागात एका मोठ्या लाचखोरीच्या प्रकरणाचा पर्दाफाश केला. रायगडचे सीजीएसटी अतिरिक्त आयुक्त विनय कुमार कांथेती, 2009 च्या बॅचचे आयआरएस अधिकारी अधीक्षक राकेश कुमार सिन्हा आणि कथित मध्यस्थ नरेंद्र राजपूत यांना 40 लाख रुपयांची लाच घेतल्याप्रकरणी सीबीआयने अटक करण्यात आली आहे. (Bribe case)

या तिघांच्या अटकेनंतर सीबीआयने त्यांच्या कार्यालयावर छापा टाकला आणि 43 लाख रुपयांची रोकड तसेच अंदाजे 90 लाख रुपयांचे सोन्या-चांदीचे दागिने जप्त केले. सीबीआयच्या या कारवाईत जप्त करण्यात आलेली एकूण रोकड आणि दागिन्यांची रक्कम अंदाजे 1.33 कोटी रुपये आहे. हे प्रकरण एका दगड उत्खनन कंपनीशी संबंधित जीएसटी आणि रॉयल्टीचा वाद मिटवण्याच्या नावाखाली झालेल्या कथित लाचखोरीशी संबंधित आहे. (Bribe case)