Rahul Gandhi and Sonia Gandhi| लोकसभा निवडणुकीसाठी आज 25 मे रोजी सहाव्या टप्प्यातील मतदान पार पडत आहे. सहाव्या टप्प्यात आज 8 राज्यांतील 58 जागांवर मतदान होत आहे, ज्यामध्ये दिल्लीतील सात जागांवर मतदान सुरू झाले असून ते संध्याकाळी 6 वाजेपर्यंत चालणार आहे. सोनिया गांधी, प्रियंका गांधी आणि राहुल गांधी हे दिल्लीचे मतदार आहेत. नुकतेच त्यांनी नवी दिल्ली लोकसभा जागेवर आपला मतदानाचा अधिकार बजावला.
राहुल गांधी आणि सोनिया गांधी यांनी मतदान केंद्रातून बाहेर पडताना दोघांनी सेल्फीही घेतला. यावेळी काँग्रेस कार्यकर्त्यांनी मोठी गर्दी केली होती. यानंतर आता राहुल गांधी यांनी सोशल मीडिया प्लॅटफॉर्म X द्वारे मतदानाचे आवाहन केले आहे.
राहुल गांधी यांचे ट्वीट
“देशवासियांनो, मतदानाच्या पहिल्या पाच टप्प्यात तुम्ही खोटे, द्वेष आणि अपप्रचाराला नाकारून तुमच्या जीवनाशी संबंधित तळागाळातील समस्यांना प्राधान्य दिले आहे. आज मतदानाचा सहावा टप्पा आहे आणि तुमचे प्रत्येक मत हे सुनिश्चित करेल की, 30 लाख रिक्त सरकारी पदांवर भरती आणि तरुणांसाठी वर्षाला 1 लाख रुपयांची पहिली रोजगार हमी योजना सुरू करेन. गरीब कुटुंबातील महिलांच्या खात्यात महिन्याला 8,500 रुपये येऊ लागले. शेतकरी कर्जमुक्त झाला पाहिजे आणि त्यांना त्यांच्या पिकांवर योग्य MSP मिळावा आणि मजुरांना 400 रुपये रोजंदारी मिळावी,” असे ट्वीट राहुल गांधी यांनी केले आहे. Rahul Gandhi and Sonia Gandhi|
देशवासियों!
पहले पांच चरणों के मतदान में आपने झूठ, नफ़रत और दुष्प्रचार को नकार कर अपने जीवन से जुड़े ज़मीनी मुद्दों को प्राथमिकता दी है।
आज छठे चरण का मतदान है और आपका हर वोट सुनिश्चित करेगा कि:
– युवाओं के लिए 30 लाख खाली सरकारी पदों पर भर्ती और 1 लाख रुपए साल की पहली नौकरी… pic.twitter.com/TvcmqSwXj3
— Rahul Gandhi (@RahulGandhi) May 25, 2024
राहुल गांधीचे मतदानाचे आवाहन
पुढे त्यांनी ट्वीटमध्ये लिहिले की, “तुमचे मत तुमचे जीवन तर सुधारेलच पण लोकशाही आणि संविधानाचे रक्षण करेल. लोकशाहीच्या या महान उत्सवात आई आणि मी मतदान करून हातभार लावला. तुम्ही सर्वांनीही मोठ्या संख्येने घराबाहेर पडा, तुमच्या हक्कासाठी आणि तुमच्या कुटुंबाच्या भविष्यासाठी मतदान करा,” असे आवाहनही राहुल गांधी यांनी केले आहे. सोबतच त्यांनी आई सोनिया गांधी यांच्यासोबत मतदान केल्यानंतरचा एक सेल्फी शेअर केला आहे.
पहिल्यांदाच गांधी कुटुंबिय काँग्रेसला करणार नाही मतदान
दरम्यान, जागावाटप पद्धतीनुसार आम आदमी पार्टी चार तर काँग्रेस तीन जागांवर निवडणूक लढवत आहे. काँग्रेस आणि आप यांच्या आघाडीत जागा वाटून घेतल्या आहेत. त्याअंतर्गत नवी दिल्लीची जागा आम आदमी पक्षाकडे आहे. या जागेवरून आम आदमी पक्षाने सोमनाथ भारती यांना उमेदवारी दिली आहे. युतीमुळे काँग्रेसने नवी दिल्ली लोकसभा मतदारसंघातून आपला उमेदवार उभा केलेला नाही. Rahul Gandhi and Sonia Gandhi|
गेल्या अनेक सार्वत्रिक निवडणुकांपासून काँग्रेसने या जागेवरून आपला उमेदवार उभा केला आहे. मात्र यावेळी तसे नाही. आम आदमी पार्टी आणि काँग्रेस, विरोधी इंडिया आघाडी (इंडियन नॅशनल डेव्हलपमेंटल इन्क्लुझिव्ह अलायन्स) चे मित्रपक्ष दिल्लीत एकत्र निवडणूक लढवत आहेत. दिल्लीतील ही पहिलीच लोकसभा निवडणूक आहे ज्यामध्ये आप आणि काँग्रेसने भाजपविरोधात संयुक्त उमेदवार उभे केले आहेत. त्यामुळे सार्वत्रिक निवडणुकीत गांधी परिवाराने त्यांच्या पक्षाला म्हणजेच काँग्रेसला मतदान न करण्याची ही पहिलीच वेळ आहे.
हेही वाचा:
सहाव्या टप्प्यात लोकसभेच्या 58 जागांसाठी मतदान सुरू, सकाळी 9 वाजेपर्यंत 10.82% मतदान
