नवी दिल्ली –  अयोध्येतील प्रसिद्ध हनुमानगढ़ी मंदिराच्या एका संताने सोमवारी (३ मार्च २०२३) माजी काँग्रेस अध्यक्ष राहुल गांधी यांना मंदिरात राहण्याची ऑफर दिली. काँग्रेस नेते राहुल गांधी यांना खासदार म्हणून त्यांना दिलेला बांगला रिकामा करण्याची नोटीस बजावल्यानंतर, हनुमानगढी मंदिराचे महंत ज्ञान दास यांच्या प्रतिष्ठित सिंहासनाचे उत्तराधिकारी संजय दास यांनी त्यांना मंदिराच्या आवारात राहण्याची ऑफर दिली.

पीटीआयला दिलेल्या प्रतिक्रियेत दास यांनी राहुल गांधींना उघड पाठिंबा दिला आणि सांगितले की,’जर राहुल गांधींना हनुमानगढी संकुलात येऊन राहायचे असेल तर त्यांचे स्वागत आहे. अयोध्येतील ऋषीमुनींनी राहुल गांधींचे पवित्र शहरात स्वागत केले आहे, आम्ही त्यांना आमचे निवासस्थान देऊ करतो.” दास संकट मोचन सेनेचे राष्ट्रीय अध्यक्ष देखील आहेत.

असेच एक प्रकरण नुकतेच देशाची राजधानी दिल्लीतून समोर आले आहे. जेव्हा एका महिलेने आपले चार मजली घर राहुल गांधींच्या नावावर केले होते. राजकुमारी गुप्ता असे या महिलेचे नाव असून त्या दिल्लीतील मंगोलपुरी भागात राहतात, आणि काँग्रेस सेवादलाशी संबंधित आहे. राहुल गांधींचे सदस्यत्व गमावल्यानंतर काँग्रेसने ‘माझे घर राहुल गांधींचे घर’ अशी मोहीम सुरू केली. गेल्या आठवड्यात राहुल गांधी यांच्या लोकसभेतून अपात्र ठरल्याच्या पार्श्वभूमीवर, गृहनिर्माण समितीने राहुल गांधी यांना 12 तुघलक लेन येथील सरकारी बंगला रिकामा करण्याची नोटीस पाठवली होती. राहुल गांधी यांना २२ एप्रिलपर्यंत सरकारी बंगला रिकामा करण्यास सांगण्यात आले होते.