Raghav Chadha : गृह मंत्रालयाने आम आदमी पार्टीचे खासदार राघव चढ्ढा यांना झेड श्रेणीची सुरक्षा प्रदान केली आहे. धोक्याच्या शक्यतेबाबत इंटेलिजन्स ब्युरो (आयबी) कडून आलेल्या अहवालाच्या आधारे राघव चढ्ढा यांना ही सुरक्षा देण्यात आली आहे. (Raghav Chadha) दिल्ली आणि पंजाबमध्ये निमलष्करी दलांकडून त्यांचे संरक्षण केले जाईल. याचा अर्थ राघव चढ्ढा भाजपाच्या वाटेवर आहेत, असा होत नाही, असे सूत्रांनी सांगितले. पंजाब सरकारने राघव चढ्ढा यांना देण्यात आलेली झेड-प्लस श्रेणीची सुरक्षा काढून घेतली आहे. आपच्या नेत्याने संसदेत पंजाबशी संबंधित महत्त्वाचे मुद्दे न मांडल्यामुळे त्यांचे सभागृह नेतेपद काढून घेण्यात आले होते. त्यांची निष्क्रियता पक्षाच्या तत्त्वांच्या विरोधात आहे. पंजाबचे अर्थमंत्री हरपाल सिंग चीमा, प्रदेश आप अध्यक्ष अमन अरोरा आणि पक्षाचे नेते कुलदीप सिंग धिंग्रा यांनी एका संयुक्त निवेदनात म्हटले आहे की, अनेक महत्त्वाच्या मुद्द्यांवर चढ्ढा यांचे मौन निराशाजनक आहे. (Raghav Chadha) माझ्याविरोधात मोहिम राघव चड्ढा यांना आम आदमी पक्षाने वरिष्ठ सभागृहाच्या उपनेतेपदावरून हटवले. त्यांच्यावर अनेक गंभीर आरोप लावण्यात आले होते. चढ्ढा यांनी आपल्यावरील आरोपांचे स्पष्टीकरण दिले. आपल्या विरोधात एक मोहीम चालवली जात असल्याचे त्यांनी सांगितले. मी तीच भाषा आणि तेच आरोप करत आहे. सुरुवातीला मला वाटले की, मी उत्तर देऊ नये,. पण नंतर माझ्या लक्षात आले की, एखादे खोटे शंभर वेळा सांगितले तर ते खरे वाटू लागते. जेव्हा विरोधी पक्ष सभागृहातून बाहेर पडतो, तेव्हा तेही बाहेर पडतात. (Raghav Chadha) संसदेत सर्वत्र सीसीटीव्ही कॅमेरे आहेत; फक्त फुटेज दाखवा. सत्य समोर येईल. मुख्य निवडणूक आयुक्तांना हटवण्याच्या ठरावावर आपच्या कोणत्याही नेत्याने स्वाक्षरी केलेली नाही. (Raghav Chadha)
