Putin-Trump Phone Call – इराणसोबतच्या संभाव्य अणु कराराच्या संदर्भात रशियाचे राष्ट्राध्यक्ष व्लादिमीर पुतिन यांनी महत्त्वपूर्ण प्रस्ताव दिल्याची माहिती अमेरिकेचे राष्ट्राध्यक्ष डोनाल्ड ट्रम्प यांनी दिली आहे. बुधवारी या दोन्ही नेत्यांमध्ये फोनवर सविस्तर चर्चा झाली, ज्यामध्ये इराणच्या संवर्धित युरेनियमची हाताळणी करण्यासाठी रशियाने ‘तिसरा देश’ म्हणून काम करण्याची तयारी दर्शवली आहे. ट्रम्प यांनी सांगितले की, इराणकडे असलेले सुमारे ९७० पौंड संवर्धित युरेनियम रशियाकडे सोपवण्यात यावे, अशी मागणी अमेरिकेने केली आहे. पुतिन यांनी या प्रक्रियेत मदत करण्याची इच्छा व्यक्त केली असून, त्यांना युरेनियम संवर्धन प्रक्रियेत सहभागी व्हायला आवडेल, असेही ट्रम्प यांनी नमूद केले. Donald Trump Next Target: मात्र, ट्रम्प यांनी या प्रस्तावावर उत्तर देताना इराणपेक्षा युक्रेनसोबतचे युद्ध संपवणे आपल्यासाठी अधिक महत्त्वाचे असल्याचे पुतिन यांना स्पष्टपणे सांगितले. दुसरीकडे, इराणविरुद्ध पुन्हा लष्करी संघर्ष सुरू झाल्यास त्याचे ‘गंभीर परिणाम’ होतील, असा इशारा रशियाने दिला आहे. पुतिन यांचे सल्लागार युरी उशाकोव्ह यांनी पत्रकारांशी बोलताना सांगितले की, इराणच्या भूभागावर कोणत्याही प्रकारची लष्करी कारवाई करणे हे पूर्णपणे अस्वीकार्य आणि धोकादायक असेल. रशियाने इराण युद्धावर चर्चा करताना या संघर्षाच्या संभाव्य भीषण परिणामांवर जोर दिला आहे. सध्या मध्यपूर्वेतील वाढता तणाव आणि अमेरिकेची इराणवरील नाकेबंदी पाहता, रशियाने दिलेला हा प्रस्ताव जागतिक राजकारणात नवा वळण देणारा ठरू शकतो. युक्रेन आणि इराण अशा दोन्ही आघाड्यांवर रशियाची भूमिका आता महत्त्वाची ठरणार आहे.
