Punjab News : अमृतसर ग्रामीण पोलिसांनी एक दहशतवाद्यांचा कट उधळून लावला आहे. अमृतसर ग्रामीण पोलिसांनी माहितीच्या आधारे, कारवाई करत बेकायदेशीर शस्त्रास्त्रांच्या तस्करीचे (Punjab News) नेटवर्क उद्ध्वस्त केले आहे. पोलीस पथकाने या कारवाईत शस्त्रांच्या खेपेसह तस्करालाही अटक केली आहे.

पंजाबचे (Punjab News) डीजीपी गौरव यादव यांनी दिलेल्या माहितीनुसार, अमृतसर ग्रामीण पोलिसांनी एके-47 रायफल, तिची मॅगझिन, मोठ्या प्रमाणावर जिवंत काडतुसे आणि दोन धोकादायक हँड ग्रेनेड जप्त केले आहेत. एके-47 आणि हँड ग्रेनेड सापडल्याने सुरक्षा यंत्रणा सतर्क झाल्या आहेत. या प्रकरणाच्या सुरुवातीच्या तपासात परदेशी शक्तींचे कनेक्शन समोर आले आहे.

अटक करण्यात आलेला आरोपी परदेशात बसलेल्या देशविरोधी शक्तींच्या संपर्कात असल्याचे पोलीस तपासात समोर आले आहे. सुरुवातीच्या तपासात हे स्पष्ट झाले आहे की, ही खेप पाकिस्तानहून सीमा पार करून भारतात पाठवली गेली होती. या जप्तीनंतर अमृतसरच्या (Punjab News) घरिंडा पोलीस ठाण्यात आरोपीविरुद्ध आर्म्स ॲक्ट आणि स्फोटक पदार्थ कायद्याच्या कलमांखाली गुन्हा दाखल करण्यात आला आहे.