Amitesh Kumar :पुणे शहरातील वाहतुकीचा प्रश्न अवघड असला तरी, पायाभूत सुविधा बळकट करण्यासाठी सरकार चांगले काम करत आहे. शहरामध्ये उड्डाणपूल, मेट्रो अशी अनेक कामे सरकार करत आहे. त्यामुळे पायाभूत सुविधांना बळकटी मिळणार असून वाहतूक व्यवस्था चांगली होण्यास मदत होणार आहे. पुढल्या तीन ते चार वर्षांमध्ये शहराचा चेहरा-मोहरा बदललेला दिसेल असा विश्वास पुणे पोलीस आयुक्त अमितेश कुमार यांनी व्यक्त केला. द इंडियन इन्स्टिटयूट ऑफ आर्किटेकट्सच्या (आयआयए) पुणे शाखेतर्फे वास्तुविशारद क्षेत्रात उल्लेखनीय काम केल्याबद्दल ज्येष्ठ वास्तुविशारदांचा सत्कार करण्यात आला. यावेळी इंडियन इन्स्टिटयूट ऑफ आर्किटेकट्सच्या पुणे शाखेचे अध्यक्ष विकास अचलकर, उपाध्यक्ष सीतेश अग्रवाल, समीर बेलवलकर, सौरभ जांगले उपस्थित होते. पोलीस आयुक्तयालयाच्या क्षेत्रातील काही पोलीस ठाण्याच्या इमारती भाडेतत्वावर आहेत. काही जुन्या झाल्या आहेत. नव्या इमारतीबाबतची प्रक्रिया सुरु आहे. सध्या पोलीस आयुक्तालयाच्या नव्या इमारतीच्या उभारणीचे काम सुरु असून पुढल्या दोन वर्षांमध्ये त्याचे काम पूर्ण होईल असे सांगून ते म्हणाले, उड्डाणपुला खालील मोकळ्या जागेचा वापर चांगल्या कामासाठी व्हायला हवा. तेथे सुशोभीकरण झाले तर शहराच्या सौंदर्यात भर पडेल. वास्तुविशारद हे कल्पक लोक असतात, त्यांच्याकडून सहसा चुकीच्या गोष्टी होत नाहीत. त्यांनी चुकीच्या कागदावर सही होणार नाही, याची खबरदारी घेण्याची आवश्यकता आहे. नवीन इमारतीत गाड्यांच्या पार्किंगसाठी पुरेशी जागा आवश्यक आहे. रुग्णवाहिका, अग्निशमन दलाच्या गाड्यांना येण्या-जाण्यासाठी पुरेशा प्रमाणात जागा ठेवली पाहिजे. Pune Land Scam: मुंढवा जमीन गैरव्यवहार प्रकरण : तेजवानी, तारूचा जामीन फेटाळला
