नवी दिल्ली – कन्नड चित्रपटसृष्टीतील प्रसिद्ध अभिनेते पुनीत राजकुमार आता आपल्यात नसलेतरी आजही त्याच्या चाहत्यांमध्ये उपस्थित आहे. अभिनेत्याच्या स्मरणार्थ त्याचे चाहते अनेकदा काहीतरी करताना दिसतात. दरम्यान, आता अभिनेत्याशी संबंधित एक नवीन बातमी समोर आली आहे. दरम्यान, पुनीत राजकुमार यांना श्रद्धांजली म्हणून नुकतेच पुनीत नावाचा उपग्रह श्रीहरिकोटा येथून प्रक्षेपित केला जाणार आहे.

याबाबत प्रसारमाध्यमांना माहिती देताना, विज्ञान आणि तंत्रज्ञान राज्यमंत्री सीएन अस्वंत नारायण म्हणाले, “बंगळुरूमधील सरकारी शाळेत शिकणाऱ्या विद्यार्थ्यांनी 1.90 कोटी रुपये खर्चून KGS3 उपग्रह विकसित केला आहे. गेल्या वर्षी ऑक्टोबरमध्ये निधन झालेल्या दिवंगत अभिनेत्या पुनीत यांच्या स्मृतीप्रित्यर्थ आम्ही या उपग्रहाचे नाव ठेवले आहे.” 15 नोव्हेंबर ते 31 डिसेंबर दरम्यान हा उपग्रह प्रक्षेपित केला जाणार आहे.

त्यांनी पुढे सांगितले की, हा उपक्रम आझादीच्या अमृत महोत्सवाचा एक भाग आहे. सरकारच्या उपक्रमांतर्गत, राज्यभरातील शाळा आणि महाविद्यालयांमधून 1000 विद्यार्थी निवडले जातील, ज्यांना श्रीहरिकोटाला भेट देण्याची आणि उपग्रह पुनीतच्या प्रक्षेपणाचे साक्षीदार होण्याची संधी मिळेल. विज्ञान, तंत्रज्ञान, अभियांत्रिकी आणि गणित या विषयातील विद्यार्थ्यांची जिज्ञासा वाढवणे हा या प्रकल्पाचा उद्देश आहे.

यापूर्वी पुनीतला नुकतीच म्हैसूर विद्यापीठाने मरणोत्तर डॉक्टरेट बहाल केली होती.  कन्नड अभिनेता पुनीत राजकुमार यांचे 29 ऑक्टोबर 2021 रोजी हृदयविकाराच्या झटक्याने निधन झाले. लकी मॅन हा त्याचा शेवटचा चित्रपट ९ सप्टेंबर रोजी प्रदर्शित होणार आहे.