Pune News : कल्याणीनगरमधील टॉनिक आऊटलेटमधून विदेशी दारू चोरणारे दोघे गजाआड; येरवडा पोलिसांची कारवाई!
Pune News : कल्याणीनगर येथील टॉनिक आऊटलेटमधून २७,२०० रुपयांच्या विदेशी दारूच्या ६ बाटल्या चोरणाऱ्या दोघांना येरवडा पोलिसांनी अटक केली असून मुद्देमाल जप्त केला आहे.
Pune News : कल्याणीनगर येथील टॉनिक आऊटलेटमधून विदेशी दारूच्या बाटल्या चोरून नेणाऱ्या दोघांना येरवडा पोलिसांनी अटक केली. रोहन राम कांबळे (वय २८, रा. बी विंग, फ्लॅट नं. १०७, प्रिस्टीन सिटी, बकोरी गाव, ता. हवेली, जि. पुणे) आणि अमित महादेव सितापुरे (वय २७, रा. सिद्धार्थनगर, मच्छी मार्केट, येरवडा गाव, पुणे) अशी अटक केलेल्या आरोपींची नावे आहेत. त्यांच्याकडून २७ हजार २०० रुपये किमतीच्या विदेशी दारूच्या सहा बाटल्या जप्त करण्यात आल्या. (Pune News)
येरवडा पोलीस ठाण्याच्या हद्दीत गुन्हेगारीला आळा घालण्यासाठी वरिष्ठ पोलीस निरीक्षक उमेश गिते यांच्या आदेशानुसार तपास पथक पेट्रोलिंग करीत होते. त्यावेळी पोलीस अंमलदार संदिप जायभाय यांना जीएसटी कार्यालयाजवळ दोन जण संशयास्पदरीत्या थांबल्याची माहिती मिळाली. त्यांनी ही माहिती वरिष्ठ अधिकाऱ्यांना दिल्यानंतर पोलिसांनी घटनास्थळी धाव घेत दोघांना ताब्यात घेतले. (Pune News)
सह्याद्री हॉस्पिटलकडून जीएसटी कार्यालयाकडे जाणाऱ्या रस्त्यालगत मोकळ्या जागेत हे दोघे आढळले. त्यांच्या हालचाली संशयास्पद वाटल्याने पोलिसांनी त्यांच्याकडील बॅगेची तपासणी केली. त्यामध्ये विदेशी दारूच्या सहा बाटल्या आढळून आल्या. दारूच्या बाटल्यांबाबत समाधानकारक माहिती न दिल्याने त्यांना येरवडा पोलीस ठाण्यात आणून चौकशी करण्यात आली. (Pune News)
चौकशीत आरोपींनी या बाटल्या कल्याणीनगर येथील टॉनिक आऊटलेटमधून चोरी केल्याची कबुली दिली. याप्रकरणी येरवडा पोलीस ठाण्यात गुन्हा क्रमांक ३२३/२०२६, भारतीय न्याय संहिता कलम ३०३(२), ३(५) अन्वये गुन्हा दाखल आहे. या गुन्ह्यातील चोरीचा माल आरोपींकडून हस्तगत करण्यात आला असून, दोघांना याच गुन्ह्यात अटक करण्यात आली आहे. पुढील तपास पोलीस उपनिरीक्षक किशोर बेरड करीत आहेत. (Pune News)
ही कारवाई पोलीस आयुक्त अमितेश कुमार, सहपोलीस आयुक्त संजय दराडे, अपर पोलीस आयुक्त मनोज पाटील, पोलीस उपायुक्त पी. आर. पाटील, सहायक पोलीस आयुक्त सुनील जैतापुरकर, वरिष्ठ पोलीस निरीक्षक उमेश गिते आणि पोलीस निरीक्षक (गुन्हे) केशव दिडे यांच्या मार्गदर्शनाखाली करण्यात आली. (Pune News)
तपास पथकाचे प्रभारी अधिकारी पोलीस उपनिरीक्षक किशोर बेरड, पोलीस हवालदार मुकुंद कोकणे, पोलीस अंमलदार बालाजी सोगे, संदिप जायभाय, गणेश पालवे, साईनाथ म्हस्के, अनिल मन्हाळकर, शैलेश वाबळे, नटराज सुतार आणि सोमनाथ गायकवाड यांनी कारवाईत सहभाग घेतला. (Pune News)
