Pune Traffic Updates – तिथीनुसार छत्रपती शिवाजी महाराज जयंती निमित्त शुक्रवारी (६ मार्च ) पुणे शहरातील मध्यवर्ती भागात मोठ्या प्रमाणावर मिरवणुका निघणार आहेत. त्यामुळे शहर वाहतूक शाखेने काही रस्त्यांवरील वाहतूक व्यवस्थेत तात्पुरते बदल केले आहेत. वाहतूक कोंडी टाळण्यासाठी सकाळी ७ वाजल्यापासून मिरवणुका संपेपर्यंत नेहरू रोड, लक्ष्मी रोड, शिवाजी रोड आणि बाजीराव रोडवरील वाहतुकीत बदल लागू राहणार आहेत, अशी माहिती पोलीस उपआयुक्त हिम्मत जाधव यांनी दिली. पर्यायी मार्ग पुढील प्रमाणे : – जिजामाता चौकातून शिवाजी रोडने स्वारगेटकडे जाणाऱ्या वाहनांना स. गो. बर्वे चौक– जंगली महाराज रोड खंडोजीबाबा चौ- टिळक चौ- टिळक रोड मार्गे वळविण्यात येईल. – दारुवाला पुलाकडून फडके हौद चौक व जिजामाता चौकाकडे येणारी वाहतूक दारुवाला पुल चौकातूनच पर्यायी मार्गाने सोडण्यात येईल. अप्पा बळवंत चौकातून बुधवार चौकाकडे जाणारी वाहतूक केळकर रोडमार्गे वळविण्यात येईल. – मिरवणूक लक्ष्मी रोडवर असताना सोन्या मारुती चौकापर्यंत लक्ष्मी रोडवरील वाहने संत कबीर चौकाकडून वळविण्यात येतील. – पुरम चौकातून शिवाजीनगरकडे जाणारी वाहने टिळक रोड- अलका टॉकीज चौ- एफ.सी. रोडमार्गे जातील. – मिरवणुका सुरू झाल्यानंतर आप्पा बळवंत चौकातून बुधवार चौक व बाजीराव रोडकडे जाणारी वाहतूक बंद करून ती केळकर रोडकडे वळविण्यात येईल. – गाडगीळ पुतळा परिसरात मिरवणूक असताना वाहने सावरकर भवन पुल – बालगंधर्व चौक किंवा टकले हवेली मार्गे वळविण्यात येतील. – शनिवारवाड्याकडे जाणारी वाहतूक कॉसमॉस बँक जंक्शन- टिळक पूल- मनपा किंवा टकले हवेलीमार्गे सोडण्यात येईल. लष्कर परिसरातही बदल : गोळीबार मैदान चौकातून एम.जी. रोडकडे येणारी वाहतूक वाय जंक्शनवर बंद करून खाणे मारुती चौकाकडे वळविण्यात येईल. मुफ्ती फौज चौकातून कुरेशी मशिदीकडे जाणारी वाहतूक चुडामन तालीम मार्गे वळवली जाईल. व्होल्गा चौकातून मोहम्मद रफी चौकाकडे जाणारी वाहतूक ईस्ट स्ट्रीट रोडमार्गे इंदिरा गांधी चौकाकडे सोडण्यात येईल. महावीर चौक, सरबतवाला चौक, बाबाजान चौक, शिवाजी मार्केट परिसरातही गरजेनुसार वाहतुकीचे वळण बदलण्यात येणार आहे. पोलिसांचे आवाहन : वाहतूक शाखेने नागरिकांना शक्यतो मध्यवर्ती भागात वैयक्तिक वाहनांचा वापर टाळावा आणि पर्यायी मार्गांचा वापर करावा, असे आवाहन केले आहे. तसेच वाहतूक पोलिसांच्या सूचनांचे पालन करून सहकार्य करावे, असेही सांगण्यात आले आहे.
