गेल्या २४ तासात सुमारे चार टीएमसीने वाढला खडकवासला धरणसाखळीतील पाणीसाठा
pune rain : खडकवासला धरणसाखळीच्या पाणलोट क्षेत्रात आणि घाटमाथ्यावर रात्रभर झालेल्या दमदार पावसामुळे धरणांतील पाणीसाठ्यात मोठी वाढ झाली आहे.

मंगळवारी सकाळी ६ वाजेपर्यंतच्या आकडेवारीनुसार अवघ्या २४ तासांत सुमारे चार टीएमसीने वाढ होऊन धरणसाखळीतील एकूण पाणीसाठा १०.६८ टीएमसी (३६.६३ टक्के) झाला आहे.

पानशेत धरणाच्या पाणलोट क्षेत्रात सर्वाधिक २५८ मिमी पाऊस झाला असून धरणातील पाणीसाठा ४.२० टीएमसी (३९.४१ टक्के) झाला आहे.

वरसगाव धरणाच्या पाणलोट क्षेत्रात २४० मिमी पावसाची नोंद झाली असून धरणात ४.६२ टीएमसी (३६.०५ टक्के) पाणीसाठा आहे.

टेमघर धरणाच्या पाणलोट क्षेत्रात १९९ मिमी पाऊस झाला असून धरणात ०.६२ टीएमसी (१६.६७ टक्के) पाणीसाठा आहे.

खडकवासला धरणाच्या पाणलोट क्षेत्रात १०० मिमी पावसाची नोंद झाली असून धरणात १.२४ टीएमसी (६२.९२ टक्के) पाणीसाठा आहे. सध्या खडकवासला धरणाच्या सांडव्यातून पाण्याचा विसर्ग सुरू करण्यात आलेला नाही.