Pune Rain : गेल्या दोन आठवड्यापूर्वी पुणे शहर आणि परिसरात मुसळधार पाऊस झाला. सतत पडणाऱ्या पावसामुळे खडकवासला धरण ओव्हरफ्लो झाले. यामुळे धरणातून मोठ्या प्रमाणात पाणी सोडण्यात आले. त्यामुळे शहरातील अनेक भागात पूरस्थिती निर्माण झाली आणि परिस्थिती गंभीर बनली. पुणे महानगर पालिका हद्दीत देखील मोठ्या प्रमाणात नुकसान झाले आहे.

बालेवाडी ब्रीज, मुळा नदी ब्रीज, संगम रोड ब्रीज, होळकर ब्रीज, संगमवाडी ब्रीज, महर्षी शिंदे ब्रीज, हडपसर- मुंढवा रोड ब्रीज, मातंग ब्रीज, येरवडा शांतीनगर येथील ब्रीज, निंबजनगर ब्रीज, मोई, व चिकली रस्त्यावरील इंद्रायणी पुल पावसामुळे पाण्याखाली गेले.

एकता नगरी सिंहगड रोड वरील द्वारका सोसायटी, शरदा सरोवर सोसायटी, शाम सुंदर सोसायटी, निंबजनगर परिसरातील सोसायटी, सिंहगड रोड, घरकुल सोसायटी पिंपरी चिंचवड, वृंदावन आश्रम आकुर्डी, विशालनगर, जगताप डेअरी विणस सोसायटी, कुंदननगर या गृह निर्माण हाउसिंग सोसायटी मध्ये पावसाचे पाणी शिरले होते.

सध्या पुणेकर या भीषण स्थितीतून सावरत आहेत. त्यातच आता पुणेकरांसाठी एक दिलासादायक बातमी समोर आली आहे. पुण्यातील पूरग्रस्तांना 25 हजार रुपयांची आर्थिक मदत केली जाणार आहे. पुण्याचे जिल्हाधिकारी सुहास दिवसे यांनी याबद्दलचे आश्वासन दिले आहे.

पुण्यामध्ये आलेल्या पुरात ज्यांचे कोणाचे नुकसान झाले आहे, त्यातील प्रत्येक कुटुंबाला 25 हजार रुपयांची मदत करण्यासाठी सरकार सकारात्मक आहे, असेही सुहास दिवसे यांनी म्हटले. त्यासोबतच पुण्यातील पूर स्थितीसाठी कारणीभूत ठरलेली अनेक अतिक्रमण देखील काढण्यात येणार आहेत. असेही जिल्हाधिकाऱ्यांनी सांगितले.

कशी मिळणार मदत :
पुण्यात पुराचे पाणी शिरलेल्यांना प्रतिकुटुंब पाच हजारांऐवजी दहा हजार रुपये मदत दिली जाणार आहे. राज्य सरकारच्या महसूल विभागाने याबद्दलची घोषणा केली आहे. तसेच जिल्हाधिकाऱ्यांनी प्रत्येक कुटुंबाला 25 हजार रुपयांची मदत करण्याचे निर्णय घेतला आहे.

स्थानिक रहिवासी, शिधापत्रिकाधारक, मतदारयादीत नाव असलेले आणि नोंदणीकृत परवानाधारक दुकानदार आणि टपरीधारकांना नुकसानीच्या 75 टक्के किंवा कमाल 50 हजार रुपये मदत दिली जाणार आहे.

हे देखील वाचा….

Pune Rain: पुण्यात मुसळधार ! अनेकांच्या घरात शिरले पाणी, ३ जणांचा शॉक लागून मृत्यू, जनजीवन झाले विस्कळीत….