Pune Railway – अमृत भारत स्टेशन योजनेअंतर्गत पुणे रेल्वे विभागातील २० स्थानकांचा विकास करण्यात येत आहे. त्यातील दोन स्थानकाचे उद्घाटन झाले असून, चार स्थानकांची कामे पूर्ण झाली आहेत. अमृत भारत योजनेअंतर्गत १५३ कोटी रुपये खर्च करून हडपसर कोचिंग टर्मिनल येथील यार्डची क्षमता आणि प्लॅटफॉर्मची लांबी वाढवली आहे. तसेच खडकी टर्मिनल येथे लाईन्सची संख्या ५ वरून ८ केली आहे. प्लॅटफॉर्मची संख्याही ३ वरून ४ केली. उर्वरीत १४ स्थानकांचे काम युध्दपातळीवर सुरू असून, येत्या काही महिन्यात सर्व सोयी-सुविधांयुक्त स्थानकांचा कायापालट झाल्याचे पहायला मिळेल. त्यामध्ये पुणे स्थानकावरील प्रवाशांची वाढती गर्दी लक्षात घेता हडपसरला उभारण्यात आलेल्या नवीन स्थानकामुळे प्रवाशांना दिलासा मिळणार आहे. अमृत भारत योजनेअंतर्गत पुणे रेल्वे विभागातील तळेगाव, देहू रोड, आकुर्डी, चिंचवड, हडपसर, उरळी, केडगाव, बारामती, लोणंद, वाठार, सातारा, कराड, सांगली, हातकणंगले, कोल्हापूर, फलटण, कोपरगाव, बेलापूर, दौंड, अहिल्यानगर या २० स्थानकांचा समावेश आहे. हडपसर रेल्वे स्टेशन त्यासाठी कोट्यावधींच्या निधीला मंजुरी देण्यात आली असून, सुसज्ज प्रतीक्षालय, नवीन शौचालय, पिण्याच्या पाण्याची व्यवस्था, रुंद रस्ते, पादचारी पूल, एस्केलेटर आणि लिफ्टची सुविधा, दिव्यांग प्रवाशांसाठी विशेष सुविधा, स्टेशन परिसर सुशोभीकरण, सुसज्ज पार्किंग, सर्क्युलेटिंग एरिया, वाय-फाय सुविधा, सौर पॅनेल आणि स्थानिक संस्कृती आणि वारसा दर्शवणारे स्थानक आदी प्रकारची कामे तेथे केली जात आहे. सप्टेंबर २०२५ मध्ये केडगाव, लोणावळा स्थकानकाचे उद्घाटन पार पडले. वाठार, बारामती, कराड आणि फलटण या चार स्थानकांची कामे पूर्ण झाली आहेत. उर्वरित १४ स्थानकांचे काम युद्धपातळीवर सुरू आहे. दरम्यान, पुणे रेल्वे स्थानकावरील ताण कमी करण्यासाठी रेल्वेने हडपसर, खडकी स्थानकांचा विकास सुरू केला आहे. जिल्ह्यातील ९ स्थानके पुणे शहर आणि जिल्ह्यातील ९ स्थानकांचा यात समावेश असून, त्यामध्ये केडगाव, बारामती स्थानकाचे १०० टक्के काम पूर्ण झाले आहे. हडपसर स्थानकाचे ९९ टक्के काम पूर्ण झाले असून, लिफ्ट, एस्केलेटर आणि विद्युत रोषणाईची कामे प्रगतीपथावर सुरू आहेत. तळेगाव स्थानकाचे काम ६९ टक्के पूर्ण झाले असून, येथील पादचारी पुल, लिफ्ट, एस्केलेटर आदी कामे सुरू आहेत. आकुर्डी स्थानकाचे ७४ टक्के, चिंचवड स्थानकाचे ७८ टक्के तर उरळी स्थानकाचे ८४ टक्के पूर्ण झालेले आहे. देहूरोड स्थानकाचे ३४ तर दौंड स्थानकाचे ५४ टक्के काम पूर्ण झाले येत्या वर्षाअखेरपर्यंत ही कामे पूर्ण होणे अपेक्षित आहेत.
