पुणे – व्हॉटसअ‍ॅप मेसेद्वारे आई-वडिलांना सुसाईट नोट पाठविल्यानंतर वैद्यकीय शिक्षण घेणार्‍या विद्यार्थ्याने स्वतःच्या व्हॉटसअ‍ॅप डीपीवर स्टेटस ठेउन चाकूने भोसकून घेत आत्महत्या केली आहे.

ही घटना १२ मे रोजी वानवडीतील ए एम एम सी कॉलेजमध्ये उघडकीस आली आहे. वर्षभरापासून अभ्यासक्रमामुळे डिप्रेशनमुळे त्याच्यावर उपचार सुरू होते. उत्कर्ष महादेव शिंगणे ( २० रा. भाग्यनगर बीड सध्या शिक्षण भोपाळ) असं त्याच नाव आहे.

पोलिसांनी दिलेल्या माहितीनुसार, उत्कर्ष हा मूळचा बीडमधील रहिवाशी होता. तो भोपाळमध्ये एमबीबीएसचे शिक्षण घेत होता. कॉलेजमधील गेम्ससाठी तो ८ मे रोजी पुण्यातील ए एफ एम सी महाविद्यालयात आला होता.

दरम्यान, मागील वर्षभरापासून अभ्यासाच्या त्रासामुळे तो नैराश्यात गेला होता. त्यामुळे त्याच्यावर पुण्यासह भोपाळमध्येही वैद्यकीय उपचार सुरू होते. दरम्यान, १२ मे ला पहाटेच्या सुमारास त्याने आई-वडिलांना व्हॉटसअ‍ॅपद्वारे मेसेज करून आत्महत्या करणार असल्याची नोट पाठविली.

त्यानुसार शिंगणे कुटूंबियांनी तातडीने पुणे पोलीस नियंत्रण कक्षाला माहिती दिली. तोपर्यंत उत्कर्षने स्वतःच्या व्हॉटसअ‍ॅप डिपीवर आत्महत्या करीत असल्याचे स्टेटस अपलोड केले. महाविद्यालयातील मुलांच्या हॉस्टेल मधील बाथरूमध्ये कमोडवर बसलेल्या अवस्थेत त्याने स्वतःवर चाकूने भोसकून घेत आत्महत्या केली आहे.