Pune News : समाजाप्रती आपले कर्तव्य आणि सामाजिक बांधिलकी जपत, गरजू रुग्णांना जीवनदान मिळावे तसेच रक्तदानाबाबत (Pune News) जनजागृती व्हावी, या उदात्त हेतूने ASR Group व ASR Services यांच्या वतीने अरविंद श्रीधर रोपळेकर यांच्या वाढदिवसानिमित्त मंगळवार, दिनांक १३ ऑक्टोबर २०२६ रोजी आदर इस्टेट, ढेरेबंगला, मांजरी रोड, पुणे येथे भव्य रक्तदान शिबिराचे आयोजन करण्यात आले होते.

या रक्तदान (Pune News) शिबिराला नागरिक, मित्रपरिवार, सहकारी आणि सामाजिक कार्यकर्त्यांकडून उत्स्फूर्त प्रतिसाद मिळाला. अनेक रक्तदात्यांनी मोठ्या उत्साहाने आणि सामाजिक जाणिवेतून रक्तदान करून या उपक्रमात सहभाग नोंदवला. या शिबिरात एकूण ४४० रक्तदात्यांनी स्वेच्छेने रक्तदान केले. रक्तदात्यांच्या या उल्लेखनीय सहभागामुळे शिबिराला मोठे यश प्राप्त झाले.

या रक्तदान शिबिराचे उद्घाटन पी. सी. नांबियार (संचालक – एक्सिम विभाग, सिरम इन्स्टिटयूट ), मल्हार करवंदे (मुख्य कार्यकारी अधिकारी अदर पुनावाला क्लीन सिटी), रोहित शिंदे (संचालक बांधकाम विभाग, सिरम इन्स्टिटयूट) आणि ASR Group व ASR Services चे मालक अमित रोपळेकर यांच्या प्रमुख उपस्थितीत संपन्न झाले. तसेच, या सामाजिक उपक्रमाला पुणे महानगरपालिकेच्या आरोग्य विभागाचे प्रमुख देवकर, पुणे महानगरपालिकेचे सभासद अजित घुले आणि नितीन गावडे. सामाजिक कार्यकर्ते गजेंद्र मोरे यांनी उपस्थित राहून प्रोत्साहन दिले.

मान्यवरांच्या उपस्थितीमुळे या उपक्रमाला विशेष महत्त्व प्राप्त झाले. या उपक्रमाच्या यशस्वितेसाठी प्रत्यक्ष व अप्रत्यक्षरीत्या सहकार्य करणारे सर्व रक्तदाते, स्वयंसेवक, मित्रपरिवार, सहकारी आणि आयोजक यांचे ASR Group व ASR Services यांच्या वतीने मनःपूर्वक आभार व्यक्त करण्यात आले.

रक्तदानासाठी पुढाकार घेणाऱ्या प्रत्येक रक्तदात्याचे योगदान मोलाचे असून, त्यांच्या या सेवाभावी वृत्तीचे सर्वत्र कौतुक होत आहे. समाजामध्ये रक्तदानाविषयी जागरूकता वाढावी, अधिकाधिक नागरिकांनी रक्तदानासाठी पुढे यावे आणि गरजू रुग्णांना जीवनदान मिळावे, हा या उपक्रमामागील (Pune News) प्रमुख उद्देश आहे.