पुणे – भरधाव वेगातील दुचाकीस्वार तरुण वीजेच्या खांबाला धडकून ठार झाल्याची घटना कात्रज -कोंढवा पुलावर दुपारी घडली. याप्रकरणी भारती विद्यापीठ पोलीस ठाण्यात गुन्हयाची नोंद करण्यात आली आहे.

नीनाद प्रेमकुमार तळेकर (वय २५, रा.संभाजीनगर, धनकवडी) असे मृताचे नाव आहे. पोलिसांनी दिलेल्या माहितीनूसार नीनद हा दुपारी साडेबाराच्या सुमारास दुचाकीवरुन कात्रज-कोंढवा रस्त्याने चालला होता. यावेळी तो सुरवातीला पायी जाणाऱ्या एका मुलाला धडकला.

यानंतर पुढे जाऊन पोलला धडकला. रस्त्यावर जोरात पडल्याने त्याचा जागीच मृत्यू झाला. तर धडक दिलेल्या मुलाचा हात फ्रॅक्चर झाला. नीनादने हेल्मेट घातले नव्हते, यामुळे त्याच्या डोक्याला जबर मार लागला.