Pune News: सिव्हील कोर्ट मेट्रो स्टेशनचे नाव आता ‘डिस्ट्रीक्ट कोर्ट, पुणे’ असे झाले आहे. याबाबत केंद्र सरकारने नुकतीच अधिसुचना जारी केली आहे. लवकरच याची अंमलबजावणी होणार आहे. जिल्ह्यातील वकिलांची शिखर संघटना असलेल्या पुणे बार असोसिएशनने नाव बदलासाठी पाठपुरावा केला होता. त्याला यश आले आहे. शहरात मेट्रो सुरू झाली. तेव्हापासून शिवाजीनगर न्यायालय येथील स्टेशनला सिव्हील कोर्ट असे नाव देण्यात आले. त्यामुळे नागरिकांनी आश्चर्य व्यक्त केले होते. शिवाजीनगर येथील जिल्हा न्यायालयात सिव्हील म्हणजे दिवाणी दावे चालतातच. मात्र, फौजदारी, मोटार अपघात न्यायप्राधिकरणसह विविध प्रकारचे दावे चालतात. जवळच कौटुंबिक न्यायालय सुध्दा आहे. त्यामुळे सिव्हील एवढे मर्यादीतच का नाव दिले आहे, असा प्रश्न निर्माण झाला होता. वकिलांमध्ये याबाबत नाराजी होती. तर सर्वसामान्य नागरिकांना सिव्हील आणि सत्र न्यायालय एक आहे का वेगळे, असा प्रश्न निर्माण होत होता. त्यामुळे सिव्हील कोर्ट नाव बदलण्याची मागणी वकिलांसह सर्वसामान्य नागरिकांकडून करण्यात येत होती. पुणे बार असोसिएशनकडून याबाबत पाठपुरावा करण्यात येत होता. येथील न्यायालयाला शिवाजीनगर जिल्हा व सत्र न्यायालय संबोधले जाते. मात्र, स्टेशनचे नाव सिव्हील कोर्ट होते. त्यामुळे शिवाजीनगर व सिव्हील कोर्ट एक की वेगळे हा प्रश्न सर्वसमान्य नागरिकांना पडायचा. सिव्हील नावावरून वकील वर्गामध्येही नाराजी होती. त्यामुळे नाव बदलण्यासाठी मेट्रोकडे पाठपुरावा केला. त्याला यश आले आहे. – ॲड. संतोष खामकर, अध्यक्ष, पुणे बार असोसिएशन हा निर्णय स्वागतार्ह आहे. हे जिल्हा सत्र न्यायालय आहे. येथे फौजदारी, दिवाणी, लघुवाद, कौटुंबिक, मोटार अपघात न्यायप्राधिकरणासह विविध प्रकारचे दावे चालतात. मात्र, सिव्हील कोर्ट नाव दिल्यामुळे त्यापुरते मर्यादीतच कोर्ट आहे का, असा प्रश्न निर्माण व्हायचा. या पार्श्वभूमीवर डिस्ट्रीक्ट कोर्ट, पुणे नाव परिपूर्ण आहे. – ॲड. अभिषेक हरगणे, फौजदारी प्रॅक्टी
