प्रभात वृत्तसेवा पुणे – भारताच्या सर्वोच्च न्यायालयाचे सरन्यायाधीश भूषण गवई यांच्यावर केलेल्या भ्याड हल्ल्याच्या विरोधात पुणे शहर जिल्हा काँग्रेस कमिटीच्या वतीने तीव्र आंदोलन करण्यात आले.शहराध्यक्ष अरविंद शिंदे यांच्या नेतृत्वाखाली झालेल्या आंदोलनात महाराष्ट्र प्रदेश काँग्रेस कमिटीचे खजिनदार ॲड. अभय छाजेड, माजी महापौर कमल व्यवहारे, माजी नगरसेवक अजित दरेकर, रफिक शेख, राजेंद्र भुतडा, तानाजी निम्हण, युवक अध्यक्ष सौरभ अमराळे, प्राची दुधाणे, अनिता धिमधिमे, सीमा सावंत, उषा राजगुरू, सुंदर ओव्हाळ, ॲड. राजश्री अडसूळ, अनुसया गायकवाड, ब्लॉक अध्यक्ष हेमंत राजभोज, अक्षय माने, रमेश सकट आदींसह कार्यकर्त्यांनी सहभाग घेतला. हा हल्ला केवळ व्यक्तीवरचा किंवा पदावरचा नसून, भारताचे संविधान आणि सामाजिक समतेवरचा हल्ला आहे. हल्लेखोर आपल्या कृत्याचे समर्थन सोशल मीडियामधून करत आहे, हे त्याहूनही दुर्दैवी आहे. हा न्यायव्यवस्थेला धमकावण्याचा प्रयत्न असून, हल्लेखोरावर राष्ट्रीय सुरक्षा कायद्याखाली कारवाई करा. या कृतीमागे अन्य कोणाचा हात आहे का, याची सखोल चौकशी करा, अशी मागणीही काँग्रेसकडून करण्यात आली.
