Pune News : ‘हर घर तिरंगा’ अभियानाअंतर्गत तिरंगा गौरव समिती, पुणे यांच्या वतीने मंगळवार (दि. ११ ऑगस्ट) रोजी एफ.सी. रोडवर भव्य तिरंगा रॅलीचे आयोजन करण्यात आले आहे. या पार्श्वभूमीवर दुपारी २ वाजल्यापासून रॅली संपेपर्यंत फर्ग्युसन कॉलेज रोडवरील ललित महल हॉटेल चौक ते गरवारे चौक हा मार्ग तसेच त्याला जोडणारे काही उपमार्ग वाहतुकीसाठी तात्पुरते बंद ठेवण्यात येणार आहेत. (Pune News)

रॅलीचा मार्ग ललित महल हॉटेल चौक – ज्ञानेश्वर महाराज पादुका चौक – तुकाराम महाराज पादुका चौक – गुडलक चौक – गरवारे चौक असा असणार आहे. या काळात अत्यावश्यक सेवेतील वाहने, रुग्णवाहिका, अग्निशमन दल, पोलीस वाहने आणि रॅलीशी संबंधित वाहनांना वगळता इतर सर्व वाहतूक पर्यायी मार्गाने वळविण्यात येणार आहे. (Pune News)

वाहतूक शाखेने दिलेल्या माहितीनुसार, स्वारगेटकडून विद्यापीठ, खडकी तसेच जुना पुणे-मुंबई महामार्गाकडे जाणाऱ्या वाहनांसाठी विविध पर्यायी मार्ग निश्चित करण्यात आले आहेत. (Pune News)

तसेच खंडोजी बाबा चौक, गरवारे चौक, नळस्टॉप, लॉ कॉलेज रोड, सेनापती बापट रोड, एस.बी. रोड, आरटीओ चौक, शनिवारवाडा, गाडगीळ पुतळा आदी मार्गांचा वापर करण्याचे आवाहन करण्यात आले आहे. (Pune News)

वाहतूक कोंडी टाळण्यासाठी नागरिकांनी शक्यतो एफ.सी. रोड परिसरात येणे टाळावे, पर्यायी मार्गांचा वापर करावा आणि वाहतूक पोलीस तसेच मदतनिसांना सहकार्य करावे, असे आवाहन वाहतूक शाखेचे पोलीस उपआयुक्त डॉ. संदीप भाजीभाकरे यांनी केले आहे. (Pune News)

Pune News : श्रीमंत भाऊसाहेब रंगारी गणपतीच्या १३५ व्या उत्सवाची सुरुवात; क्रांती दिनी वासा पूजन व ‘श्री गणेश सुवर्णधाम’ देखाव्याचे अनावरण

Pune Trafic : पुणे शहर वाहतूक कोंडीच्या विळख्यात; अहवालातून ‘ही’ माहिती आली समोर, जागतिक क्रमवारीत ‘या’ स्थानावर