उरुळी कांचन – पोलीस भरतीची तयारी करणाऱ्या उरुळी कांचन (ता. हवेली) येथील 25 वर्षीय तरुणीने राहत्या घरी ओढणीच्या साहाय्याने गळफास घेऊन आत्महत्या केल्याची घटना घडली. उरुळी कांचन ग्रामपंचायत हद्दीतील टिळेकरमळा परिसरातील जिल्हा परिषद शाळेजवळ सोमवारी (दि. 9) ही घटना घडली.

सोनाली धनाजी धुमाळ (वय 25, रा. टिळेकरमळा, उरुळी कांचन) असे आत्महत्या केलेल्या तरुणीचे नाव आहे. याप्रकरणी लोणी काळभोर पोलीस ठाण्यात आकस्मित मृत्यूची नोंद करण्यात आली आहे. सोनाली हिचे काही वर्षापूर्वी लग्न झाले होते.

तिचा घटस्फोट झाला होता. त्यामुळे उरुळी कांचन या ठिकाणी आपल्या आई-वडिलांबरोबर राहत होती. तसेच मागील काही दिवसांपासून ती बारामती येथील पोलीस भरती प्रशिक्षण केंद्रात पोलीस भरतीची तयारीही करत होती.

सोमवारी घरी कोणी नसताना सकाळी 9 ते 4 या दरम्यान सोनालीने ओढणीच्या सहायाने गळफास घेऊन आत्महत्या केल्याची घटना उघडकीस आली. घटनास्थळी लोणी काळभोर पोलिसांनी भेट दिली असून, पोलीस ठाण्यात आकस्मित मृत्यूची नोंद करण्यात आली आहे. तपास लोणी काळभोर पोलीस करीत आहेत.