राजुरीतील अमर पडवळ यांची मशरूम व्यवसायात भरारी
रामदास सांगळे
बेल्हे – चंदेरी दुनियेत रममाण झालेले राजुरी (ता. जुन्नर) येथील अमर पडवळ यांना करोनामुळे जबर फटका बसला. लॉकडाऊन असल्याने ते आपल्या गावी म्हणजेच राजुरीत आले, अन्‌ काय करायचे या विचाराने त्यांनी मशरूम व्यवसायात उडी घेतली आणि आता या व्यवसायातून भरभराट केली. त्यामुळे चंदेरी दुनिया सोडून माताशी नाळ घट्ट करणारा “अमर’ इतरांसाठी प्रेरणादायी आहे, हे मात्र निश्‍चित!

सुरुवातीपासूनच अमर पडवळ यांना चत्रपटाची आवड असल्यामुळे शिक्षण सुद्धा चित्रपट क्षेत्राशी निगडित घेतले. व्हिज्युअल इफेक्‍ट्‌समध्ये डिप्लोमा (ऊखझङजचखछ तखडणएऋएउढड) हे शिक्षण घेतले आणि बघता बघता हा ते थेट चित्रपटसृष्टीतच शिरले.
सिनेमॅटोग्राफर, सहायक दिग्दर्शक ते थेट दिग्दर्शकापर्यंत मजल मारली.

या कालावधीत रौंदळ, पंचायत, वीर सावरकर, स्क्रू ड्रायव्हर, बोधी यासारखे चित्रपट निर्माण करून प्रेक्षकांच्या पसंतीस उतरवले. चित्रपटांची यशस्वी वाटचाल सुरू असतानाच 2019-20 मध्ये जागतिक करोना आला आणि “अमर’ यांनाही यांनाही या करोनाचा फटका बसला. तब्बल दोन वर्षे सर्व बंद असल्याने त्यातच करोना काळात गावाकडे असल्यामुळे शेतीमध्ये “अमर’ यांनी बराचसा वेळ घालवला.

चित्रपट सृष्टीत परत जावे की शेतीशी निगडित व्यवसाय करावा हा विचार मनात घर करू लागला. अनेक शेती व्यवसायांची माहिती घेतली आणि अखेर कृषी व्यावसायाशीच निगडित व्यवसाय करायचा ठरवून मशरूमचा व्यवसाय सुरू केला.

ऍमेझॉनवरून देशभर वितरण
अमर पडवळ यांनी दोन वर्षे सातत्याने मशरूम उत्पादनात वेगवेगळे प्रयोग करून हे कुटुंब वेगवेगळ्या पद्धतीचे व प्रकारचे मशरूम उत्पादन करत आहेत. त्यामध्ये ऑयस्टर मशरूम (जूीींशी र्चीीहीो) आणि त्याची उप-उत्पादने अशा प्रकारचे मशरूम त्यांच्याकडे तयार होत आहे, नुसते तयारच होत नाही तर ऍमेझॉन सारख्या इंटरनॅशनल कंपनीद्वारे देशभरात वितरित केलेही जात आहे. अर्थातच यात मोलाची साथ लाभली ती पत्नी अक्षदा यांचे. त्या शिक्षण एम.ए हिंदी असूनही या क्षेत्रात आपल्या पतीला भक्‍कम साथ देऊन मशरूम उत्पादन वाढीस मदत करत आहेत.

प्रति दिवस 10 किलोचे उत्पादन
अमर यांनी राजुरी गावातील शिवाजी शेटे या नातेवाइकाकडे एक शेड भाड्याने घेतले. तिथे सुरुवातीला नाशिक या ठिकाणाहून 10 किलो मशरूमचे बियाणे आणुन एक किलोच्या पिशवीमध्ये एक किलो भुसा भरून त्यामध्ये 100 ग्रॅम बियाणे टाकुन ते निर्जंतुक करून पॅंकींग करुन टाकले. सुमारे 20 दिवसानंतर पॅकींग केलेल्या पिशव्यांना ब्लेड मारल्यानंतर 1 किलोला 3 किलो मशरुम निघून यासाठी 60 ते 70 रुपये खर्च आला. यामधून सर्व वजा करता 10 किलोतून 25 ते 30 हजार रुपये नफा मिळाला. आता पडवळ यांनी जवळपास 80 किलो बियाणेचे मशरूम बनवले आहे. आज प्रति दिवस 10 किलो एवढे मशरूमचे उत्पादन घेत आहेत.