पिरंगुट – ऑनलाइन जुगार चालविणाऱ्या पाच जणांना हिंजवडी पोलिसांनी अटक केली. ही कारवाई शनिवारी (दि. 29) रात्री मेगापोलीस मायस्टिक सोसायटी, हिंजवडी येथे करण्यात आली. अनुराग अगरदास बंजारे (वय 20), नवीन संजय गजभिये (वय 20), अमोस ओस्कर मिंज (वय 19, तिघे रा. हिंजवडी, मूळ रा. छत्तीसगड), धनंजय विश्वंभर पाल (वय 24), राहुल मदनसिंह कुमार (वय 21, दोघे रा. हिंजवडी. मूळ रा बिहार) अशी अटक केलेल्या आरोपींची नावे आहेत. हिंजवडी फेज तीन येथील मेगापोलीस या सोसायटीमध्ये काही तरुण हे नागरिकांना ऑनलाइन माध्यमातून जुगार खेळण्याची सोय उपलब्ध करून देत असल्याची माहिती हिंजवडी पोलिसांना मिळाली. त्यानुसार पोलिसांनी छापा मारून कारवाई करत पाच जणांना अटक केली. हे आरोपी एका संकेतस्थळावरून जुगार उपलब्ध करून देत होते.
