गणेशोत्सवाच्या पार्श्वभूमीवर लाभार्थी सुखावले
सविंदणे – शिरूर तालुक्यातील सविंदणे येथील मच्छिंद्र श्रीराम लंघे यांच्या शासनमान्य रास्त रेशन दुकानातून यावर्षीच्या गौरी गणपती उत्सवाच्या पार्श्वभूमीवर शिधापत्रिका धारकांना “आनंदाचा शिधा” वाटप करण्यात येत आहे. १०० रुपयांत उपलब्ध करण्यात आलेल्या हा आनंदाचा शिधा मिळण्यापासून लाभार्थी वंचित राहणार नाही याची दक्षता घेणार असल्याचेही त्यांनी बोलताना सांगितले.

लंघे यांच्या दुकानात ७५३ शिधापत्रिका धारक असून ६५६ कार्डधारकांचा शिधा उपलब्ध झाला आहे. सर्व शिधापत्रिका धारकांना गौरी गणपती उत्सवाच्या शुभेच्छा देताना चालू महिन्याचा आनंदाचा शिधा शिधापत्रिका धारकांना वितरित करण्यास सुरुवात केली आहे. शासनाकडून प्राप्त रवा, साखर, डाळ, तेल प्रत्येकी एक किलो प्रमाणात शिधापत्रिका धारकांना देण्यास सुरुवात करण्यात आली आहे. यावेळी अनेक शिधापत्रिका धारक उपस्थित होते. नागरिकांनी लवकरात लवकर आपला शिधा घेऊन आण्याचे आवाहन लंघे यांनी केले आहे.

शिंदे-फडणवीस-पवार सरकारने सर्व सामान्य नागरिकांना आनंदाचा शिधा उपलब्ध करून गौरी गणपती उत्सवाच्या पार्श्वभूमीवर आनंद द्विगुणीत झाल्याची भावना अनेकांनी व्यक्त केली. यावेळी माजी सरपंच सोनाली खैरे, ग्रामपंचायत सदस्य मनीषा नरवडे, दक्षता कमिटीचे सदस्य मनोहर नरवडे, पत्रकार अरुणकुमार मोटे, ग्रामस्थ, शिधापत्रिकाधारक उपस्थित होते. मच्छिंद्र लंघे यांच्या रास्त भाव दुकानातून सातत्याने उत्कृष्ट सेवा मिळत असल्याने नागरिकांनी समाधान व्यक्त केले आहे.