Builder Khalil Sheikh : पुण्यातील गुलटेकडी परिसरातील बिल्डर खलील शेख यांच्या आत्महत्या प्रकरणात महत्त्वाची माहिती समोर आली आहे. आत्महत्येपूर्वी त्यांनी लिहिलेली सुसाईड नोट, तयार केलेला व्हिडिओ आणि संबंधित आर्थिक कागदपत्रे पोलिसांच्या हाती लागली असून, या आधारे तपासाला वेग आला आहे. (Builder Khalil Sheikh)

या प्रकरणात माजी आमदार, माजी नगरसेवकांसह 14 जणांविरोधात गुन्हा दाखल करण्यात आला असून, पुढील चौकशीनंतर अटकेची कारवाई होण्याची शक्यता व्यक्त करण्यात आली आहे. (Builder Khalil Sheikh)

पुण्याचे पोलीस उपायुक्त मिलिंद मोहिते यांनी सांगितले की, हे अत्यंत गंभीर स्वरूपाचे प्रकरण असून सर्व बाजूंनी तपास सुरू आहे. सुसाईड नोट, व्हिडिओ आणि आर्थिक व्यवहाराशी संबंधित कागदपत्रांची तपासणी करण्यात येत असून, दोषी आढळणाऱ्यांविरोधात कायद्यानुसार कठोर कारवाई केली जाईल. (Builder Khalil Sheikh)

प्राथमिक माहितीनुसार, आत्महत्येपूर्वी लिहिलेल्या चिठ्ठीत आणि व्हिडिओमध्ये अडीच कोटी रुपये थकित असल्याचा उल्लेख करण्यात आला आहे. या आर्थिक व्यवहारांचे स्वरूप, फसवणुकीचे आरोप आणि संबंधित व्यक्तींची भूमिका याबाबत तपास सुरू असून, त्यानंतर संपूर्ण चित्र स्पष्ट होणार असल्याचे पोलिसांनी सांगितले.(Builder Khalil Sheikh)

खलील शेख यांच्या प्रकल्पात किती भागीदार होते, याबाबत अद्याप स्पष्ट माहिती समोर आलेली नाही. या संदर्भातील सर्व बाबी तपासातून उघड होतील, असे पोलीस उपायुक्तांनी स्पष्ट केले. (Builder Khalil Sheikh)

दरम्यान, दाखल करण्यात आलेला गुन्हा गंभीर स्वरूपाचा असल्याने संबंधित आरोपींना दहा वर्षांपर्यंतच्या शिक्षेची तरतूद लागू होऊ शकते. त्यामुळे पुरावे आणि तपासाच्या आधारे आवश्यक त्या अटकेच्या कारवाया केल्या जातील, असेही पोलीस प्रशासनाने स्पष्ट केले आहे. (Builder Khalil Sheikh)

Khalil Ahmed : खलील अहमदच्या घातक गोलंदाजीचा कहर, यजमान इंग्लंड लायन्सला तिसऱ्या दिवशी फोडला घाम

Pune crime : पुण्यातील बिल्डरची आत्महत्या; सुसाईड नोटतून धक्कादायक आरोप