Arnav Paparkar Wimbledon 2026 Quarter Final Junior Boys Singles : भारतीय टेनिस जगतासाठी विम्बल्डन २०२६ (Wimbledon 2026) मधून एक अत्यंत अभिमानास्पद आणि ऐतिहासिक बातमी समोर आली आहे. भारताचा १८ वर्षीय युवा टेनिसपटू अर्णव पापरकर (Arnav Paparkar) याने विम्बल्डनच्या ‘बॉयज सिंगल्स’मध्ये (Junior) उपांत्यपूर्व (क्वार्टर फायनल) फेरीत धडक मारत नवा इतिहास रचला आहे. गेल्या ३६ वर्षांत विम्बल्डनच्या अंतिम ८ मध्ये पोहोचणारा तो पहिलाच भारतीय खेळाडू ठरला आहे.

बुधवारी झालेल्या एकतर्फी सामन्यात अर्णवने जपानच्या र्यो ताबाताचा अवघ्या ५२ मिनिटांत ६-२, ६-१ असा धुव्वा उडवला. भारताचे महान टेनिसपटू लिएंडर पेस यांच्यानंतर ही ऐतिहासिक कामगिरी करणारा अर्णव हा पहिलाच भारतीय ठरला आहे. पेस यांनी १९९० मध्ये ज्युनियर विम्बल्डनचे विजेतेपद पटकावले होते.

युकी भांबरीचा १७ वर्षांचा दुष्काळ संपवला; जॉर्डन लीशी होणार लढत –

For 36 years, Indian tennis waited for this moment.

Now, an 18-year-old from Pune has finally brought that wait to an end.

Arnav Paparkar has become the first Indian since Leander Paes in 1990 to reach the Wimbledon boys’ singles quarterfinals, bringing India back to the final… pic.twitter.com/4r4FhVgpeM

— The Better India (@thebetterindia) July 9, 2026

विम्बल्डनच्या क्वार्टर फायनलमध्ये स्थान मिळवताच अर्णव पापरकर हा रामनाथन कृष्णन, रमेश कृष्णन आणि लिएंडर पेस यांच्यासारख्या दिग्गज भारतीय खेळाडूंच्या विशेष क्लबमध्ये सामील झाला आहे. तसेच, २००९ मध्ये युकी भांबरीच्या यूएस ओपन मोहिमेनंतर कोणत्याही ज्युनियर ग्रँडस्लॅमच्या क्वार्टर फायनलमध्ये पोहोचणारा तो पहिलाच भारतीय ठरला आहे. आता अंतिम ४ मध्ये जाण्यासाठी अर्णवचा सामना अमेरिकेच्या क्वालिफायर जॉर्डन ली याच्याशी होणार आहे.

पुण्याचा अर्णव कसा बनला ‘टेनिसचा नवा किंग’?

🎾 A New Chapter in India’s Jr Boys Singles Wimbledon Journey 🇮🇳

For decades, Indian tennis has produced memorable moments on the grass courts of Wimbledon. Now, Arnav Paparkar has added his name to that legacy by reaching the Boys’ Singles Quarterfinals at Wimbledon Juniors… pic.twitter.com/I2Ft6Uoezl

— IndiaSportsHub (@IndiaSportsHub) July 9, 2026

६ फुटांपेक्षा जास्त उंच असलेला अर्णव हा पुण्याचा असून सध्या आयटीएफ (ITF) ज्युनियर क्रमवारीत तो जगात १९ व्या स्थानावर आहे. तो पुणे येथील हेमंत बेंद्रे टेनिस अकादमीमध्ये प्रशिक्षक प्रोसोनजीत पॉल यांच्या मार्गदर्शनाखाली सराव करतो, तर स्पेनच्या सोटो अकादमीमध्येही त्याने प्रशिक्षण घेतले आहे. अर्णवने यंदा फ्रेंच ओपन ज्युनियरच्या तिसऱ्या फेरीपर्यंत मजल मारली होती आणि तो सलग २१ आठवडे एआयटीए (AITA) अंडर-१८ क्रमवारीत भारताचा नंबर वन खेळाडू राहिला आहे.

हेही वाचा – Jordan Henderson Injury : इंग्लंड संघाला मोठा धक्का! विजयाचा जल्लोष करताना स्टार खेळाडूचा हात फ्रॅक्चर; थेट क्वार्टर फायनलमधून बाहेर

ताशी २०८ किमी वेगाची सर्व्हिस; जागतिक नंबर ३ ला चारली धूळ –

Asia’s lone warrior marches on at Wimbledon….💪

Arnav Paparkar 🇮🇳continues to carry the Asian challenge in the Boys’ Singles draw, moving into the quarter-finals with a commanding 6-2 6-1 win over Japan’s Ryo Tabata🇯🇵

The Indian youngster is standing tall as the last Asian… pic.twitter.com/fjp7W5R3aQ

— Asian Tennis Federation (@asian_tennis) July 9, 2026

अर्णवने या विम्बल्डन स्पर्धेत आपल्या वेगवान सर्व्हिसने सर्वांना थक्क केले आहे. दुसऱ्या फेरीत त्याने ज्युनियर वर्ल्ड नंबर ३ असलेल्या अमेरिकेच्या कीटन हॅन्सला ६-२, ६-३ ने हरवून मोठा उलटफेर केला होता. त्यानंतर जपानच्या ताबाताविरुद्धच्या सामन्यात अर्णवने ताशी २०८ किमी (208 km/h) या वादळी वेगाने सर्व्हिस करत ८ ‘ऐस’ (Aces) लगावले आणि २५ पैकी २३ फर्स्ट-सर्व्ह पॉईंट्स जिंकून विजय मिळवला. विशेष म्हणजे, ताबाताने अर्णवला यापूर्वी दोनदा पराभूत केले होते, पण अर्णवने सडेतोड उत्तर देत या पराभवाचा बदला थेट विम्बल्डनच्या कोर्टवर घेतला.