Amar Awale Birthday : वाढदिवस ही आपण समाजासाठी काम करण्याची संधी असल्याचा भावना भाजपचे नवनिर्वाचित नगरसेवक अमर आवळे यांनी व्यक्त केल्या आवळे यांच्या वाढदिवसानिमित्त ‘सेवा संकल्प’ या उपक्रमांतर्गत विविध सामाजिक उपक्रम राबविण्यात आले. साने गुरुजी तरुण मंडळ आणि हिंदू गर्जना प्रतिष्ठान यांच्या वतीने आरोग्य शिबीर, ससून येथील श्रीवत्स अनाथालयाला जीवनावश्यक वस्तूंची भेट, धर्मवीर संभाजी महाराज प्राथमिक शाळा क्रमांक १७ येथे रक्तदान शिबीर तसेच गोकुळधाम गोशाळेला खाद्य वाटप करण्यात आले. भाजप पुणे शहर अध्यक्ष नगरसेवक धीरज घाटे यांच्या मार्गदर्शनाखाली हे उपक्रम घेण्यात आले. या उपक्रमाची सुरुवात ससून रुग्णालय परिसरातील श्रीवत्स अनाथालयाला भेट देऊन करण्यात आली. अनाथालयातील चिमुकल्यांसोबत केक कापून अमर आवळे यांनी वाढदिवस साजरा केला. यावेळी अनाथालयासाठी जीवनावश्यक वस्तूंसह एक लाख रुपयांचा धनादेश देण्यात आला. यानंतर राजेंद्रनगर परिसरात आयोजित मोफत आरोग्य शिबिराला नागरिकांचा उत्स्फूर्त प्रतिसाद लाभला. यावेळी अमर आवळे यांनी नागरिकांशी संवाद साधून त्यांच्या आरोग्यविषयक अडचणी जाणून घेतल्या. वाढदिवस समाजासाठी काहीतरी करण्याची संधी असावी, या भावनेतून हे उपक्रम राबविण्यात आल्याचे अमर आवळे यांनी सांगितले.
