Pune Accident News : कात्रज डेअरी चौक येथे शुक्रवारी सकाळी झालेल्या भीषण अपघातात दुचाकीस्वार महिलेचा जागीच मृत्यू झाला. महापालिकेच्या कचरा वाहणाऱ्या हायवा ट्रकच्या चाकाखाली सापडल्याने हा अपघात घडला. या घटनेमुळे परिसरात हळहळ व्यक्त करण्यात येत आहे. अपघातात मृत्यू झालेल्या महिलेचे नाव प्ररिमा प्रधान ( ३८ ) असून त्या कात्रज कोंढवा रोड येथील श्रीज्वेल सोसायटीमध्ये वास्तव्यास होत्या. पोलिसांनी दिलेल्या माहितीनुसार, जुपिटर मोटार मोपेड वरून चढाने जात असताना संबंधित महिलेल महापालिकेचा कचरा वाहणाऱ्या हायवा डंपरने जोरदार धडक दिली. धडकेनंतर दुचाकीवरील महिला डंपरच्या पाठीमागील टायरखाली आल्याने तिचा जागीच मृत्यू झाला. घटनेची माहिती मिळताच पोलिसांनी तात्काळ घटनास्थळी धाव घेत हायवा डंपर चालकाला ताब्यात घेतले आहे. त्याची वैद्यकीय तपासणी करण्यात येत असून पुढील कायदेशीर कारवाई सुरू आहे. दरम्यान, मृतदेह पुढील शवविच्छेदनासाठी ससून हॉस्पिटल येथे पाठविण्यात आला आहे. कचरा डेपोतील डंपर भरधाव कात्रज दुध डेअरी शेजारीच महापालिकेचा कात्रज कचरा हस्तांतरण केंद्र आहे. यामुळे येथे मोठ्या डंपर आणि हायवाची दिवसभर ये-जा असते. सकाळच्या वेळी ही संख्या जास्त असते. येथे दिवसभरात २०० मोठी वाहने ये-जा करतात. कचरा वाहतूकीमुळे रस्त्याच्या एका भागावर मोठ्या प्रमाणाच लिचड पडलेले असल्याने रस्ता निसरडा झालेला आहे. यावरुन अनेकदा दुचाकी घसरुण अपघात होतात. येते उतारही तीव्र आहे. यातच डंपर आणि हायवा नागरिकांची पर्वा न करता भरधाव वेगाने जातात. त्यांच्यावर नियंत्रण ठेवण्यासाठी महापालिकेचे कर्मचारी नसतात. अपघात घडल्यानंतर शुक्रवारी तात्पुरते दोन कर्मचारी रस्त्यावर उभे केले होते. यापुर्वीही डंपरखाली सापडून चौकातच एका महाविद्यालयीन तरुणीचा मृत्यू झाला होता. परिसरात मोठ्या प्रमाणात शाळा- महाविद्यालये असल्याने विद्यार्थ्यांच्या जीवाशी खेळ खेळला जात आहे. महापालिकेचे आरटीओला पत्र : फिटनेस तपासा दरम्यान अपघातानंतर धनकवडी क्षेत्रीय कार्यालयाने प्रादेशिक परिवहन कार्यालयास एक पत्र लिहले आहे. त्यांने ठेकेदार असलेल्या मे. ग्लोबल संस्थेच्या सर्व वाहनांचे फिटनेस आणि कागदपत्रे तपासण्याची विनंती केली आहे. या ठेकेदाराला वर्क ऑर्डर देताना वाहतूकीचे नियम, अटी , शर्थी चे पालण करण्यास सांगितले आहे. महापालिकेच्यावतीने सांगण्यात आले की पहाटे आणि सायंकाळी उशीरा कचरा संकलन केंद्रात वाहनांची ये-जा असले यामुळे शाळा-महाविद्यालयीन मुलांना तसेच नागरिकांना मोठ्या वाहनांचा त्रास होत नाही. अपघात करणारे वाहनही उरळी कांचन येथेखाली होऊन केंद्रात परततत होते. महापालिकेला रस्ता दुभाजक आणि रंम्पलर्सची मागणी भारती विद्यापीठ वाहतूक पोलिसांनी कचरा हस्तांतर केंद्रापाशी उतारावर वाहनांचा वेग कमी व्हावा म्हणून रंम्बलर्स लावण्यासाठी दोन ते तीन वेळा पत्र दिले आहे. तसेच जड वाहतूकीच्या ठिकाणी डिव्हायडरही लावण्याची विनंती केली आहे. वाहतूक शाखेच्या नोटिफिकेशनूसार येथे सकाळी अकरा ते पाच दरम्यानच जड वाहतूकीस परवानगी असल्याची माहिती सहायक पोलीस निरीक्षक(वाहतूक) प्रियंका गोरे यांनी दिली. Digital Arrest : पुणे हादरले! ‘डिजिटल अरेस्ट’च्या नावाखाली दोन ज्येष्ठांना तब्बल ३.५ कोटींचा गंडा
