Priyanka Chopra Post : मराठी चित्रपटसृष्टीतील गाजलेला आणि प्रेक्षकांच्या मनाचा ठाव घेणारा ‘व्हेंटिलेटर’ चित्रपटाला प्रेक्षकांनी भरभरून प्रेम मिळाले होते. आता तब्बल १० वर्षांनंतर या चित्रपटाचा सिक्वेल प्रेक्षकांच्या भेटीला येणार आहे.

बॉलिवूडची देसी गर्ल आणि या चित्रपटाची निर्माती प्रियांका चोप्रा हिने सोशल मीडियावर पोस्ट शेअर करत ‘व्हेंटिलेटर २’ची अधिकृत घोषणा केली आहे.

पुन्हा भेटणार कामेरकर कुटुंब!

२०१६ मध्ये प्रदर्शित झालेल्या ‘व्हेंटिलेटर’ चित्रपटात गणेशोत्सवाच्या निमित्ताने एकत्र आलेल्या कामेरकर कुटुंबाची भावनिक आणि हृदयस्पर्शी गोष्ट दाखवण्यात आली होती. रुग्णालयाच्या पार्श्वभूमीवर घडणाऱ्या या कथेत कौटुंबिक नाती, त्यांच्यातील मतभेद, गंमतीजंमती आणि भावनिक प्रसंगांचा सुंदर मिलाफ पाहायला मिळाला होता.

चित्रपटातील व्यक्तिरेखा आणि त्यांच्या संवादांनी प्रेक्षकांना कधी हसवले, तर कधी भावुक केले. त्यामुळे या चित्रपटाने प्रेक्षकांच्या मनात वेगळे स्थान निर्माण केले होते. आता चित्रपटाचा दुसरा भाग प्रेक्षकांच्या भेटीला येणार असल्याने चाहत्यांची उत्सुकता वाढली आहे.

‘तेच सगळे कामेरकर, पुन्हा एकदा १० वर्षांनंतर…’

प्रियांका चोप्राने सोशल मीडियावर खास पोस्ट शेअर करत ‘व्हेंटिलेटर २’ची घोषणा केली. “तेच सगळे कामेरकर, पुन्हा एकदा १० वर्षांनंतर… त्यांच्यातले काही गेले, काही राहिले… गेलेले हसतायत आणि राहिलेले…!” असे पोस्टमध्ये म्हटले आहे.

 

View this post on Instagram

 

A post shared by Priyanka (@priyankachopra)

पहिल्या भागातील कलाकार आणि नात्यांचा गोडवा पुन्हा अनुभवायला मिळणार का, तसेच यावेळी कामेरकर कुटुंबाच्या आयुष्यात कोणते नवे प्रसंग घडणार, याचा उलगडा या चित्रपटात होणार आहे.

‘व्हेंटिलेटर २’चे लेखन आणि दिग्दर्शन राजेश मापुस्कर करणार आहेत. प्रियंका चोप्रा जोनस, डॉ. मधु चोप्रा आणि राजेश मापुस्कर हे या चित्रपटाचे निर्माते आहेत. चित्रपटाचे चित्रीकरण लवकरच सुरू होणार असल्याचे सांगितले जात आहे.

Netanyahu Iran plan: नेतान्याहूंचा इराणवर हल्ल्याचा प्लॅन लीक ; अमेरिकेने ऐनवेळी रोखली गुप्त कारवाई