Prithvi Shaw Akriti Agarwal Patch Up Insta Unfollow Engagement Photos Return : भारतीय क्रिकेटपटू पृथ्वी शॉ आणि त्याची होणारी आकृती अग्रवाल (Akriti Agarwal) यांच्या नात्याबाबत गेल्या काही तासांत सोशल मीडियावर प्रचंड हाय-व्होल्टेज ड्रामा पाहायला मिळाला. मार्च २०२६ मध्ये साखरपुडा झाल्यानंतर या कपलचे अवघ्या चार महिन्यांत ब्रेकअप झाल्याच्या वृत्ताने चाहत्यांना मोठा धक्का दिला होता. मात्र, आता या संपूर्ण प्रकरणात एक नवा ट्विस्ट आणि अनपेक्षित वळण आले आहे. सर्व चर्चांना पूर्णविराम देत या जोडप्याचा पुन्हा ‘पॅच-अप’ झाल्याचे समोर आले आहे.

साखरपुड्याचे फोटो गायब अन् अनफॉलो; का उडाल्या होत्या अफवा?

दोघांच्या नात्यात दुरावा आल्याच्या चर्चा तेव्हा सुरू झाल्या, जेव्हा आकृती अग्रवालच्या इन्स्टाग्राम प्रोफाइलवरून पृथ्वी शॉसोबतचे सर्व फोटो अचानक गायब झाले. इतकेच नाही, तर तिने मार्चमध्ये झालेल्या त्यांच्या साखरपुड्याचे सर्व सुंदर फोटोही हटवले होते. डिजिटल प्लॅटफॉर्मवर अंतर राखत आकृतीने पृथ्वीला इन्स्टाग्रामवर थेट ‘अनफॉलो’ (Unfollow) देखील केले होते. यामुळे या दोघांचे नाते संपुष्टात आल्याचे कयास लावले जात होते.

धोका आणि खोट्या अफवांची ‘ती’ व्हायरल स्टोरी –

🚨Breaking: Prithvi Shaw’s Fiance says Prithvi Shah cheated on her

– Prithvi Shaw & Akriti Agarwal had engaged in March 2026

– Akriti has unfollowed Prithvi Shaw & deleted all their engagement photos

– She also said that “all the rumours about him on social media are true.”

-… pic.twitter.com/2LNwlIUz1P

— Infino Sports (@infinosports) July 5, 2026

याच दरम्यान, आकृतीच्या नावाने एक इन्स्टाग्राम स्टोरी प्रचंड व्हायरल झाली, जी नंतर डिलीट करण्यात आली. या स्टोरीत कोणाचेही नाव न घेता लिहिले होते, “माझ्यासोबत अनेकदा विश्वासघात झाला, तरीही मी एक शब्द बोलले नाही. आयुष्यात एक पाऊल पुढे टाकल्यावरही (साखरपुड्यानंतर) हे घडेल यावर विश्वास बसत नाही. सोशल मीडियावरील सर्व अफवा आणि गोष्टी पूर्णपणे खऱ्या आहेत, तो नेहमी खोटेच बोलेल.” या भावनिक पोस्टमुळे चाहत्यांची चिंता वाढली होती.

हेही वाचा – Neymar Jr Retires : नॉर्वेने ब्राझीलला बाहेर करताच भावुक झालेल्या नेमारची तडकाफडकी निवृत्ती; म्हणाला, ‘आता सर्व संपलं…’

नवा ट्विस्ट; कपल पुन्हा एकत्र, आकृतीने दिले स्पष्टीकरण –

🚨Another cryptic post by Akriti Agarwal

– She says, ” Misunderstood by Many!”🤔

– Earlier, she first said that she was cheated & then she deleted the story. Later, both Pritvi Shaw & Akriti Agarwal followed each other

– Now engagement & together photos are back on her… https://t.co/2rYq0Kjk5m pic.twitter.com/UpVs26aeuY

— Infino Sports (@infinosports) July 5, 2026

आता मात्र सोशल मीडियावर चित्र पूर्णपणे बदलले आहे. पृथ्वी आणि आकृतीने पुन्हा एकदा एकमेकांना इन्स्टाग्रामवर फॉलो केले आहे. महत्त्वाचे म्हणजे, आकृतीच्या अकाऊंटवर पृथ्वीसोबतचे डिलीट केलेले सर्व जुने फोटो आणि साखरपुड्याचे क्षण पुन्हा दिसायला लागले आहेत. या सर्व चर्चांवर पडदा टाकत आकृतीने तिच्या इन्स्टाग्रामवर एक नवी स्टोरी शेअर केली आहे. यामध्ये तिने केवळ चार शब्दांत स्पष्टीकरण देत लिहिले, “बऱ्याच लोकांनी चुकीचा समज करून घेतला”. या एका पोस्टने त्यांच्यात सर्व काही आलबेल असल्याचे स्पष्ट झाले आहे.